Rær fyrir réttlætinu!

Ég tek ofan fyrir hvunndagshetjunni Ásmundi Jóhannssyni, hann gefur stjórnvöldum langt nef svo um munar gegn kvótakerfinu. Það sem er skýrt mannréttindabrot að mati erlendra dómstóla, á hann kannski eftir að sitja inni fyrir. Sem væri auðvitað þvílík þversögn að hálfa væri nóg.

Ég tók eftir að góðvinur minn og ásatrúarmaður Sigurður Þórðarson samdi soldið skemmtilega sjóferðarbæn að hætti ásatrúarmanns fyrir Ásmund, hér er mótleikur minn við því:

Sjóferðabæn:

"Ég heiti á Drottinn allsherjar að fylgja nú þeim góða dreng Ásmundi Jóhannssyni í þennan róður, hann megi afla vel og kraftur þeirra megni að kvótakerfið leggist af, svo hjálpi mér Drottinn Guð minn allsherjar".

Guð blessi þessa hetju sem berst fyrir réttindum okkar allra. Og sem suðurnesjamaður, verð hreykinn að sjá svona hetju að verki!

 

Mótmælir kvótakerfinu með veiðum

Athugasemdir

[Theódór Norðkvist, 15.7.2008 kl. 19:41]

Tek undir þessa bæn, Haukur. Búið er að afhenda allan fiskinn í sjónum nokkrum ríkisbubbum, sem fara með hann eins og þeir vilja og liggja margir hverjir í sólinni á Flórída.

Á meðan berjast leiguliðarnir við að gera út, drukknandi í okurvöxtum af lánum vegna kvótakaupa eða -leigu, til þess eins að lénsherrarnir geti safnað spiki.

Ég hallast að því að það vanti svolítið mótmælagen eða baráttuanda í Íslendinga gagnvart óréttlætinu. Líklega erum við orðin alltof vön því að láta nota okkur fyrir salernispappír og sættum okkur of vel við það.

[Guðsteinn Haukur Barkarson, 15.7.2008 kl. 19:48]

Einmitt Teddi, takk fyrir góða athugasemd, kæri ven. 

[Sigurður Þórðarson, 15.7.2008 kl. 20:19]

Þakka þér Haukur, 

Þér rennur alltaf blóðið til skyldunnar að standa með hinu góða, það finnst mér virðingarverðara en nokkuð annað. 

Vinátta okkar sýnir að menn geta róið með réttlætinu hverrar trúar sem þeir eru.  

[Theódór Norðkvist, 15.7.2008 kl. 20:23]

Ekkert að þakka, Haukur, en kannski rétt að bæta við að maður eins og Ásmundur blæs okkur í brjóst baráttu og hugrekki, sem dæmi um mann sem játar sig ekki sigraðan fyrir kvótaóréttlætinu baráttulaust.

[Jón Valur Jensson, 15.7.2008 kl. 21:03]

Og nú hafa þeir í Fiski(stáss?)stofu ákveðið að taka af honum veiðileyfið! Á ekki frekar að taka ráðin af Hafró, sem ekkert hefur kunnað í fiskveiðistjórnun hingað til? Hvað er sjávarútvegsráðherrann að gaufa, sá sem ætlaði að bylta kerfinu?

[Guðsteinn Haukur Barkarson, 15.7.2008 kl. 21:09]

Siggi - Þú segir:

Vinátta okkar sýnir að menn geta róið með réttlætinu hverrar trúar sem þeir eru. 

Amen!

Teddi - nákvæmlega! 

Jón Valur -  Góð spurning, hvað er þessi ráherra að gaufa?

[Linda, 15.7.2008 kl. 21:14]

Óréttlæti er óréttlæti sama hvernig á það er litið og hverjum slíkt beinist gegn, margur er í dag fátækur í þessu landi í dag, fólk hefur ekki ofan í sig eða á, þessi maður gerir nákvæmlega það sem fólk ætti að taka upp á að gera, að taka til baka það sem er okkar til að byrja með, og róa út ef þess er þörf, að krefja þessa aumu ríkistjórn um frekari þátttöku í því að bæta lífskjör landans sem hefur ekki tök á því sakir efnahags, það er fólk eins og hinn almenni verkmaður/kona, örykjar, aldraðir, einstæðir foreldrar, hver einasta sál sem á rétt á því að halda höfði sínu með stolti og horfast í augu við lífið vegna þess að það á ofan í sig og á, fyrir sig og sína, það eru almenn mannréttindi.

kv.

[Sigurður Þórðarson, 15.7.2008 kl. 21:29]

Skemmtilegt innlegg frá okkar ágæta félaga Jóni Val, eins og hans er von og vísa.  "Fiski(stáss?)stofa"    Orðheppinn maður Jón Valur Jensson.

[Guðsteinn Haukur Barkarson, 15.7.2008 kl. 21:36]

Linda - ég gat ekki orðað það betur sjálfur. Takk.

Siggi - já hann Jón okkar er alltaf flottur! 

[Jóhanna Magnúsar- og Völudóttir , 15.7.2008 kl. 22:14]

Sigurður skrifaði: "Vinátta okkar sýnir að menn geta róið með réttlætinu hverrar trúar sem þeir eru. "

og Haukur segir Amen ...

Tek undir Amenið.  

[Guðsteinn Haukur Barkarson, 15.7.2008 kl. 23:10]

Jóhanna -

[Sigurður Þórðarson, 16.7.2008 kl. 00:42]

Hér er góðmennt og einhugur ríkjandi með Ásmundi og réttlætinu.

Í gamla daga var þetta orðað:  "Hér sé Guð", þá var svarað að bragði "Og með þínum anda".   Þó ég sé nú ekki kristinn finnst mér þetta falleg kveðja og ég sakna hennar. 

Það sem mest er um vert er að hér ríkir góður andi. Ég talaði við Ásmund í kvöld hann ætlar á sjóinn í nótt og bað um kveðju til ykkar og þakkað i góð orð.  Ég treysti því að réttlætið muni sigra.   Góða nótt

[Brynjar Jóhannsson, 16.7.2008 kl. 03:06]

Ég hef aldrei nennt að koma mér nægjanlega inní kvótamálinn hér á íslandi þó svo að ég hafi mikin áhuga á politík. Ég sé yfirleitt gráa móðu og mér er fyrirmunað að sjá hvað er rétt og rangt í þeim málefnum.

Ég dáist af þessum manni að leggja þetta á sig til að berjast fyrir sjálfsögðum réttindum sínum og vonandi nær hann einhverri réttlátri niðurstöðu fram með þessari "borgaralegu óhlíðni sinni" Ég hef miklu meiri trú á þessum manni en vörubílsstjórum því hann er að brjóta óréttlátu lögin sem beinast að honum (kvótalöginn) á meðan vörubílsstjórar voru að brjóta "umferðarlög" þegar þeir áttu í raun að vera að brjóta lög um að borga ekki skatt fyrir oliu. Því þeim lögum voru þeir að mótmælar(reyndar öðrum líka)

Eitt er samt algjörlega á tæru í minum huga.

það verður að vera einhverskonar fiskverndun. Hvort kvóti sé málið eða eitthvað annað fyrirkomu lag ... get ég einfaldlega dæmt um þar sem ég nenni ekki að koma mér almennilega inni sjáfarútvegsmál. 

[Gunnar Páll Gunnarsson, 16.7.2008 kl. 10:04]

Ég legg nú á hafið í Jesú nafni. Sagði Einar afi minn alltaf áður en hann lagði fley úr vör. Svo bað hann alla þá landvætti sem hann þekkti og þekkti ekki um aðstoð og hjálp. Það veitti ekki af eins og fleyturnar voru fyrir og eftir stríð (seinni heimstyrjöldin) Enda lifði hann af Halaveðrið og siglingarnar á milli Englands og Íslands á stríðsárunum. Hann lifði svo farsældlega í fjölda ára og dó svo háaldraður heima hjá sér, rétt áður en ég kom í heimsókn. En það er nú önnur saga. Eins og góði dátinn Svejk hefði sagt.

Gangið svo á Guðs vegum.......og á eigin fótum.

Gunni Palli kokkur. 

[Ásthildur Cesil Þórðardóttir, 16.7.2008 kl. 10:47]

Tek hér undir hvert orð.

[Rósa Aðalsteinsdóttir, 16.7.2008 kl. 11:04]

Sæl öll.

Frábærar umræður. Við vorum strax mótfalli þessu kerfi og ekki batnaði það þegar kvótinn var gerður framseljanlegur. Þegar kvótinn var settur á var tekin ákvörðun að hafa síðustu þrjú ár sem miðviðunarár. Faðir minn og tvíburabróðir hans voru mjög óheppnir með þessi viðmiðunarár. Eitt árið voru þeir nýbyrjaðir á sjó og þá brotnaði öxullinn í bátnum!! Lofað var að afgreiðsla á nýjum öxul tæki hálfan mánuð en það var ekki fyrr en seinnipartinn í september sem öxullinn kom. Svo ekki var mikið að græða á þessu viðmiðunarári og eitt árið var verið að byggja hús fyrir síldarverkun og geymslur fyrir síld. Kvótinn sem pabbi og Tvíburabróðir hans fengu var núll og nix og  urðu þeir að afþakka kvótann. Kvótinn var einn þriðji af afla sem þeir fengu eitt sinn á einni viku.

Á sama tíma var maður hér sem hætti skrifstofustörfum og fór á sjó. Hann aflaði mjög vel og fékk góðan kvóta sem hann seldi og seldi einnig bátinn og fór aftur í land að vinna við sín skrifstofustörf á meðan mínir menn réru og unnu svo við verkstjórn í síld og sláturhúsi á haustin. Farið á vorin á grásleppu og svo á fiskveiðar á sumrin. Ég á skammarbréf sem ég sendi Halldóri Ásgrímssyni.

Þessi maður er vinur okkar. Við berum ekki kala til eins eða neins. Þetta dæmi var bara tilviljun. Aftur á móti erum við hundóánægð með stjórnvöld í þessum málum og mörgum öðrum.

Drottinn blessi ykkur öll.

Frjálslyndar friðarkveðjur/Rósa 

[Árni Gunnarsson, 16.7.2008 kl. 11:45]

Nú er ástæða til að þakka fyrir sig og það geri ég heils hugar! Það er nýlunda að lesa svona bloggfærslu ásamt athugasemdum þar sem allt er svona fallegt og hlýjar hjartaræturnar. Ólík trúarbrögð þurfa ekki að skipta fólki í andstæðinga. Það hafa þeir sannað fyrir okkur Haukur og Sigurður.

Góðar kveðjur til ykkar allra!

[Aðdáandi Ásmundar (IP-tala skráð) 16.7.2008 kl. 13:28]

Það hafa verið settar i gang undirskriftasafnanir af minna tilefni en þessu. Verst að kunna ekkert til slíkra verka.

Skal verða fyrstur til að skrá nafn mitt til stuðnings Ásmundi og hans hugsjónum gegn þessu svívirðilegasta hryðjuverki gegn þjóðinni  frá upphafi sögu hennar.

 Einhver sem býður sig fram um að hefja undirskriftasöfnun til stuðnings Ásmundi og á móti kvótakerfinu.

[Gunnar Helgi Eysteinsson, 16.7.2008 kl. 20:26]

Ég tek líka ofan fyrir hvunndagshetjunni Ásmundi Jóhannssyni og þér Haukur fyrir að skrifa þetta...

[Ása (IP-tala skráð) 16.7.2008 kl. 22:12]

Mikið rosalega er ég sammála bloggi þínu Guðsteinn Haukur - þetta er mikil hetja þessi maður!!!

[Guðsteinn Haukur Barkarson, 16.7.2008 kl. 22:19]

Ég vil þakka öllum sem hafa sýnt málinu stuðning og góð orð. "Aðdáandi Ásmundar" við ég þakka sérstaklega því ég varð við hans beiðni og er búinn að stofna undirskriftarsöfnun Ásmundi til stuðnings. En ég geri sér færslu um það.

[DoctorE (IP-tala skráð) 16.7.2008 kl. 23:56]

Karlinn var svalur í fréttum í kvöld, hann fær minn stuðning.

[Guðsteinn Haukur Barkarson, 17.7.2008 kl. 01:22]

Flottur Dokksi. 

[Sigurður Þórðarson, 17.7.2008 kl. 10:15]

Frábær stuðningur úr öllum áttum. Endilega komið undirskrifalistanum áfram í dreifingu.

[Jón Norðkvist (IP-tala skráð) 17.7.2008 kl. 10:18]

Ég þekki hann Ásmund frá gamalli tíð og styð hann heilshugar í sinni réttindabaráttu, engu að síður er ég stuðningsmaður kvótakerfisins alveg þangað til að betra fiskveiðistjórnunarkerfi verður sett á laggirnar. Það sem við eigum að mótmæla núna sem aldrei fyrr er það óréttlæti sem lánaokursríkisbubbarnir ætla að beita okkur í því samdráttarskeiði sem nú ríður yfir þjóðina. Við skulum heldur ekki gleyma því að það eru bankarnir sem eiga allan kvótan eins og húsin okkar og bílana og svo framvegis. Berjumst fyrir réttlæti

[Gisli Freyr Valdórsson (IP-tala skráð) 27.7.2008 kl. 17:15]

Hvaða erlendi dómsstóll hefur sagt kvótakerfið vera mannréttindabrot?