Vissi þetta!

Svona mál vekja undantekningarlaust heimsathygli, og er mannorð Íslendinga ekki nógu slæmt fyrir?

Menn verða að læra að hugsa fyrst um afleiðingar gjörða sinna áður en þeir taka í gikkinn!

Hvítabjarnarmál vekur athygli

Athugasemdir

[DoctorE (IP-tala skráð) 5.6.2008 kl. 13:57]

Þetta mál er ömurlegt, það er skömm fyrir íslendinga.
Mér er skítsama þó menn reyni að fiska einhverja fræðinga út og suður til þess að segja að þetta hafi verið það eina í stöðunni.

Við áttum að gera allt sem við gátum til þess að bjarga honum, síðasta neyðarúrræðið var að drepa bangsann.

[Guðsteinn Haukur Barkarson, 5.6.2008 kl. 14:15]

Dokksi .... ... við erum 100% sammála!

[365, 5.6.2008 kl. 15:01]

Óttalegt kerlingarvæl er þetta.  Vegna forvitni landans, þá fór sem fór og engin skaði skeður.  Skömm fyrir landann, skrifa bara ekki upp á það í fleirtölu.

[Hvít-veginn (IP-tala skráð) 5.6.2008 kl. 15:22]

Hvað ætli það þurfi að koma oft fram í fjölmiðlum að það hafi því miður ekki verið annað í stöðunni en að skjóta dýrið. Það er eins og allir horfi bara fram hjá því. Það eru teknir heilu Kastljós þættirnir um þetta mál bara af því að dýrið var skotið. Það hefur t.d. enginn bent á það að þetta dýr kemur til landsins á ólöglegan hátt því samkvæmt reglum eiga öll dýr að vera í einangrun í áhveðin tíma þegar komið er með þau til landsins. Átti að leyfa dýrinu að smita önnur dýr á svæðinu og eða drepa þau áður en að farið var í einhverjar aðgerðir. Svo hefur nú komið fram hjá þeim sem að til þekkja í Grænlandi og víðar að þessi dýr eru EKKI í útrýmingarhættu. En það er alveg ljóst að ég er sammála því að þetta eina dýr sé aflífað en ekki beðið eftir því að það ráðist að fólki og limlesti eða deyði það. Það fyrsta sem að ég hugsaði þegar ég sá þessa frétt var einmitt þetta að ég vil að ég og mitt fólk sé óhult og til þess að það sé þá þarf því miður að deyða dýrið enda voru ENGIN önnur úrræði. Það hefur t.d. komið fram að deyfingin á svona dýri dugar í 40-60 mínútur. Það mega vera ansi snör handtök og hraðfleyg þyrla sem að flytur það á þeim tíma frá Íslandi og til Grænlands. Legg ég til að menn og konur hætti að ræða þetta mál því að þetta er BÚIÐ.

[Linda, 5.6.2008 kl. 15:43]

Sammála Didda og Hauk.

knús

[Eiríkur Ingvar Ingvarsson, 5.6.2008 kl. 16:41]

Þetta er eins og hver önnur villibráð. Það má ekki gleyma því að þessir bændur gerðu þetta í sjálfsvörn. Þetta voru þeir eða hann.

Ég vildi gjarnan viljað vera í þeirra stöðu. Þetta er spennandi veiðimennska.

Þess má geta að mórautt fé er í útrýmingarhættu á Íslandi. Spyr einhver í Nóatúni hvað gen er í þessu...er það ekki örugglega hvítt...

[Steinunn Helga Sigurðardóttir, 5.6.2008 kl. 18:14]

ég er mikið sammála þérkæri guðsteinn !

ég var einmitt að blogga um það sama !

blessi þig

steina 

[Ingvar Valgeirsson, 5.6.2008 kl. 19:51]

Bévítans væl er í þér Haukur.

Hvítabirnir geta hlaupið hraðar en 50 km. klst. og finna lykt tugi kílómetra. Fara létt með að drepa hesta og naut og enn léttar með að stúta fólki - hafa reyndar gert eitthvað af því gegnum tíðina. Auðvitað á að skjóta kvikindið strax og til þess sést. Þetta er ekki gæludýr, þetta er einhver besta drápsmaskína á norðuhvelinu.

Eins og ég hef sagt áður - ef það hefði drepið einhvern væru sömu bloggararnir og nú væla yfir drápinu brjálaðir yfir að það hefði ekki verið skotið strax. Værir þú að taka þátt í því?

[Bubbi J. (IP-tala skráð) 5.6.2008 kl. 20:34]

Algjörlega sammála gítarleikaranum hér að ofan

[Theódór Norðkvist, 5.6.2008 kl. 20:56]

Aðgerðaáætlun fyrir svona atburði strax! Þá þurfum við ekki að eiga á hættu að vitleysingar með vitið í byssuhólknum fari af stað.

Sagt er að algengt sé að skógarbirnir sæki í mannabyggðir í Kanada. Þeir ráðist ekki að fólki nema þeim sé ógnað.

Einhvern tímann las ég um fólk sem kom að skógarbirni í sumarbústað sínum einhvers staðar í útlöndum. Hann var svangur og var að skófla í sig haframjöli, sem hann hafði fundið í inni í skáp í eldhúsinu.

Þegar hann sá húsráðendur kippti hann sér ekkert upp við það og fólkið sá að meðan hann væri ekki truflaður við kvöldverðinn myndi ekki stafa hætta af honum.

[DrEsiB (IP-tala skráð) 5.6.2008 kl. 20:57]

Ég er algjörlega sammála mér...ég meina Andrési :Þ

[Kristján Eldjárn Þorgeirsson, 5.6.2008 kl. 21:40]

Haukur! 

Hvað átti að gera við bangsa annað en að skjóta hann?  Held að það hefði ekkert verið sniðugt að láta þenna björn lifa og ógjörningur hefði verið að flytja hann frá landinu aftur.  Landhelgisgæslan hefði kanski getað flutt hann út á ísspöngina aftur en þyrlan hefði, að öllum líkingum, ekki haft flugþol til baka aftur.  Þyrlur eyða víst miklu eldsneyti í svona hífingum, sem taka svona langan tíma og hefði þar af leiðandi verið sniðugt að láta þá flytja hann og tefla þar með mönnunum á þyrlunni í hættu með að komast til baka aftur útaf eldsneytisleysi.  Vonlaust hefði verið að flytja hann sjóleiðina, það hefði þurft að margdeyfa hann og er það gott fyrir dýrið að vera margdeyft, spurning um dýraverndarsjónamið.  Húsdýragarðurinn gat ekki tekið við honum  eins og staðan er þar.   Hvað hefði líka verið gaman fyrir björninn að lifa, það sem eftir er ævinnar, í "stofufangelsi" og vera til sýnis á laugardögum og sunnudögum fyrir íbúa höfuðborgarsvæðisins.  Nei það hefði ekki gengið heldur.  Næst í stöðunni hefði verið að láta hann í friði og leyfa honum að vera þar sem hann var og bíða átekta hvað hann myndi gera.  Nei það hefði ekki verið hægt heldur þar sem það hefði þurft að vakta hann stöðugt þar sem hann hefði getað ráðist á fólk hvenær sem er og deytt það eða limlest.  Hefði það verið sniðugt?  Nei það hefði ekki verið það.  Hvað er þá annað í stöðunni en að skjóta dýrið?  Ekkert annað raunhæft eins og staðan var.  Og ef þetta mál skaðar okkur á alþjóðavetfangi þá verður bara að hafa það.  Skynsemin verður að ráða

Þetta er allavega mín skoðun á þessu máli!

Kær kveðja!

[Guðmundur Steinbach (IP-tala skráð) 5.6.2008 kl. 22:52]

Út frá dýraverndunarsjónarmiðum hefði verið slæmt að margdeyfa dýrið (fyrir utan það að það er ekkert víst að það hefði fengist leyfi til að flytja það til baka)  og enn verra að setja hann í dýragarð að mínu mati.

Það sem var best að gera út frá öllum sjónarmiðum var að skjóta dýrið, því míður. Það er fátt verra en að drepa dýr af engum ástæðum en þessum tilviki var þetta það eina í stöðunni.

Það verður vonandi komin áætlun um hvað skuli gera næast þegar ísbjörn kemur til landsins. 

[Guðsteinn Haukur Barkarson, 5.6.2008 kl. 22:57]

Ég á ekki orð. Gerir sér enginn grein fyrir hvað svona lagað kostar? Slíkur álithnekkur sem þjóðin fær á heimsvísu verður til skammar!

Kristján E og Guðmundur St. hafa komið bestu rökin til þessa. Og mun ég skoða þau vandlega því mér finnst þeir tala málefnanlega án þess að saka nokkurn um "væl" og annað bull. 

[Kristján Eldjárn Þorgeirsson, 5.6.2008 kl. 23:10]

Þakka þér fyrir hrósið Haukur!

Bið að heilsa pabba þínum sem og þér

[Guðsteinn Haukur Barkarson, 5.6.2008 kl. 23:19]

Ekki málið Kristján, bið að heilsa sömuleiðis í sveitina og vona að þið hafið farið vel útúr skjálftanum. Og ég mun skila kveðju til föður míns frá þér. 

[Ingvar Valgeirsson, 5.6.2008 kl. 23:31]

Haukur - þó svo að einhverjir trjáfaðmarar væli í útlöndum þá er það líklega hávær minnihluti (svona eins og hávaðasamur 80 manna Vantrúarhópur). Þetta kemur ekki til með að kosta okkur sjitt.

Theódór Nordquist - það er stór munur á hvítabjörnum og öðrum. Hvítabirnir eru mun árásargjarnari en dekkri frændur þeirra og meðan grábirnir slasa oft fólk og fara svo eru árásir hvítabjarna á menn (og þeir ráðast á menn ef þeir eru svangir) nær alltaf banvænar. Hvítabirnir borða ekki gróður og örugglega ekki haframjöl. Þeir hvítu hlaupa líka talsvert hraðar en aðrir birnir.

[Guðsteinn Haukur Barkarson, 6.6.2008 kl. 00:02]

Jamms Ingvar, en lögreglan hefði vel getað girt svæðið af og gert eitthvað í þessu. Eftir marga ára dvöl erlendis veit ég vel að svona lagað getur stór skaðað ímynd þeirrar þjóðar sem sýna dýrum grimmd. Mér er sama hvaða rök eru notuð, svona lagað á ekki að gerast og hefur þetta afleiðingar, þú frjálshyggjumaðurinn ættir nú að átta þig á því.

[gutti (IP-tala skráð) 6.6.2008 kl. 01:32]

Ég hefði ekki viljað mæta bangsanum á heiðum uppi.  Reyndar ekki heldur í Húsdýragarðinum í því aðstöðuleysi sem þar er fyrir ísbjörn.  En að kalla það grimmd að aflífa dýrið, finnst mér of langt gengið.  Þó að enginn gæti séð það fyrir hvort dýrið gerði einhverjum mein eða ekki, var ekki forsvaranlegt að láta það bara ráðast....

[Theódór Norðkvist, 6.6.2008 kl. 01:43]

Við þurfum bara að fara að læra að dýr eru dýr og umgangast þau þannig. Flest dýr ráðast á menn ef þeim finnst þeim ógnað, ekki að fyrra bragði. Að skjóta fyrst og spyrja svo er aðferð heimskingjans og hugleysingjans.

Wikipedia um ísbirni:

 The polar bear's biology is specialized to require large amounts of fat from marine mammals, and it cannot derive sufficient caloric intake from terrestrial food. (Sem sagt lifa á sjávarfæðu.)

Unlike grizzly bears, polar bears are not territorial (ekki landdýr). Although stereotyped as being voraciously aggressive, they are normally cautious in confrontations, and often choose to escape rather than fight.^[54]

Fat polar bears rarely attack humans unless severely provoked, whereas hungry polar bears are extremely unpredictable and are known to kill and sometimes eat humans.

M.ö.o. ekki árásargjarnir, nema þeir séu mjög svangir og í einstaka tilfellum (ekki reglan) hafa þeir borðað menn. Hættan var til staðar, ekki hægt að afskrifa hana, en hún var ekki mikil.

[Theódór Norðkvist, 6.6.2008 kl. 01:48]

PS: Verð að benda á þessa stórgóðu færslu um málið.

[Guðsteinn Haukur Barkarson, 6.6.2008 kl. 07:57]

Einmitt, takk innilega fyrir þessar upplýsingar Teddi, og kíki á þessa færsla sem þú talar um.

[Guðmundur Steinbach (IP-tala skráð) 6.6.2008 kl. 10:22]

Takk fyrir hlý orð Haukur. :)

[Guðsteinn Haukur Barkarson, 6.6.2008 kl. 10:57]

Þú ert flottur Guðmundur!

[Ingvar Valgeirsson, 6.6.2008 kl. 22:22]

Á wikipedia stendur einnig um hvítabirni:

"hungry polar bears are extremely unpredictable and are known to kill and sometimes eat humans. Polar bears are stealth hunters, and the victim is often unaware of the bear's presence until the attack is underway. Whereas brown bears often maul a person and then leave, polar bear attacks are almost always fatal."

Fyrir fáum árum lagði hvítabjörn á Grænlandi leið sína inn í hús og drap þar fjögurra manna fjölskyldu. Svoleiðis gerist ekki oft, en það gerist þó. Því er ég á því að taka enga sénsa, bara skjóta kvikindið. Það er nebblega lítið mál að týna dýri sem getur hlaupið á 60 km. hraða.

[Theódór Norðkvist, 7.6.2008 kl. 15:57]

Þetta er tilvitnun í sömu grein og ég vitnaði til, en svona til upplýsingar, þá merkir stealth hunters að birnirnir læðast að fórnarlömbum sínum. Það hefði hann ekki getað í birtunni þarna fyrir norðan.

Aftur á móti ef svartaþoka hefði lagst yfir þá hefði hann getað komið fólki að óvörum.

Best er að reyna að gleyma þessu atviki og semja almennilega viðbragðsáætlun, ef annar bjössi skyldi koma í heimsókn og ekki treysta á gikkglaða bændur á staðnum.