Í upphafi var orðið ...

Þriðjudagur, 26. júní 2007

Karlrembur að grilla

Ég fékk þessa litlu sögu senda í t-pósti, hún er lýsandi fyrir það karlrembuþjóðfélag sem við búum við í dag.

Grilltímabilið í hámarki. Allir að grilla. Húsmæður gleðjast yfir því að þurfa ekki að standa yfir pottunum, því bóndinn sér um grillið. VEI!

Þannig gengur þetta fyrir sig:
Frúin verslar í matinn.
Frúin býr til salat, græjar grænmeti sem á að grilla, og býr til sósu.
Frúin undirbýr kjötið. Finnur til réttu kryddin, setur kjötið á bakka ásamt grilláhöldum.
Bóndinn situr við grillið, með bjór í annarri.

Lykilatriði:

Bóndinn setur kjötið á grillið!

Frúin fer inn, finnur til diska og hnífapör.

Frúin fer út, og segir bóndanum að kjötið sé að brenna.

Bóndinn þakkar henni fyrir, og biður hana um að koma með annan bjór á meðan hann tæklar ástandið.

Annað lykilatriði:
Bóndinn tekur kjötið af grillinu, og réttir frúnni.
Frúin leggur á borð. Diskar, hnífapör, sósur, salöt og annað meðlæti, ratar á borðið.
Eftir matinn gengur frúin frá öllu.

Mikilvægast af öllu:
Allir þakka BÓNDANUM fyrir matinn, og hversu vel HONUM tókst upp.
Bóndinn spyr frúna hvernig henni hafi líkað “frídagurinn”...
og eftir að hafa séð svipinn á henni, ákveður hann að það er ómögulegt að gera konum til geðs.

Ég vona að þið lærið e-ð af þessari sögu strákar!

Flokkur: Bloggar | Facebook

Athugasemdir

hehe, þetta er sniðug saga , en ég var einu sinni að slá mér upp með smá-karlrembu sem hélt grillveislu, og hann sá um þetta ALLT sjálfur og hafði aldrei verið glaðari. Sumir karlar eru alveg grillóðir þetta var áður en ég hætti að borða kjöt, og ég fékk að sjálfsögðu besta bitann