Þakkir til Jóhannesar í Bónus

Ég tók þessa frétt af vísi.is

Þar segir:

Jóhannes hvetur sjálfstæðismenn til að strika út Björn
Jóhannes Jónsson kaupmaður í Bónus blandar sér óvænt í kosningabaráttuna með heilsíðu auglýsingum í dagblöðum í morgun, þar sem hann hvetur Sjálfsæðismenn til að strika yfir nafn Björns Bjarnasonar dómsmálaráðherra í kjörklefunum á morgun.

Jóhannes, sem sjálfur segist vera sjálfstæðismaður, rifjar upp að hann hafi þurft að ósekju að sitja á sakamannabekk í Baugsmálinu, meðal annars vegna óvæginna og ranglátra aðgerða Jóns H.B.Snorrasonar saksóknara og að nú virðist Björn Bjarnason ætla að skipa Jón í stöðu ríkissaksóknara þrátt fyrir klúðrið.

Jóhannes gagnrýnir jafnframt Harald Jóhannessen ríkislögreglustjóra og Sigurð T. Mgnússon, sem var settur saksóknari í Baugsmálinu í stað Jóns H.B. Snorrasonar eftir að hann var gerður afturreka með málatilbúnað sinn haustið 2005, eins og það er orðað í auglýsingunni.

Tekið er fram í auglýsingunni að Jóhannes greiði fyrir hana sjálfur. Ekki náðist í Björn Bjarnason dómsmálaráðherra fyrir fréttir til að heyra skoðun hans á auglýsingunni.

Eins þakklátur og ég er honum Jóhannesi fyrir lágt vöruverð, þá er ég ennþá þakklátari honum fyrir að koma höggi á sinn eigin flokksmann. Gott hjá þér Jóhannes, endilega komdu með fleiri sem strika má út !

Athugasemdir

[Ásthildur Cesil Þórðardóttir, 11.5.2007 kl. 14:04]

Sammála.