Vonbrigði

Ekki skil ég svona niðurstöður. Afhverju vælir fólk og vælir um hvað það á bágt, síðan kýs það alltaf sama ófögnuðinn yfir sig?   

Ég hvet hugsandi fólk til þess að kjósa allt nema íhaldið !!

Flestir vilja Sjálfstæðisflokk í ríkisstjórn

Athugasemdir

[Guðrún Magnea Helgadóttir, 4.5.2007 kl. 16:32]

Og alls ekki framsóknarflokkinn!

[Guðsteinn Haukur Barkarson, 4.5.2007 kl. 17:38]

Akkúrat, Guðrún Magnea! Mér láðist að taka það fram !

[Ingvar Valgeirsson, 4.5.2007 kl. 17:42]

Já, af hverju vælir fólk og vælir þegar ástandið hefur aldrei verið betra, landið svo til skuldlaust, atvinnuleysi ekki mælanlegt, hagvöxtur í rúmlega góðu lagi og laun hafa hækkað stórlega og skattar lækkað?

Þú vilt væntanlega frekar fá sem forsætisráðherra konuna sem tókst á innan við áratug, í starfi sínu sem borgarstýra, að nítjánfalda skuldir borgarinnar, hækka álögur og útsvar, lækka framlög til hjúkrunarheimila, finna upp nýja skatta (t.d. holræsagjald) og leggja beisikklí allt í rúst.

Ef hún og hennar fólk komast í stóla - þá máttu fara að væla.

[Guðsteinn Haukur Barkarson, 4.5.2007 kl. 18:31]

Ingvar þú lætur eins og íhaldið sé saklaust af einmitt þínum áskökunum. Horfið þið íhaldsmenn í eigin barm svona einu sinni, þið hafið gert margt gott, en Ísland er ekki sú paradís sem þið lýsið.

Afhverju?

• Hvergi í heiminum er jafn dýrt að lifa
• Biðlistar á öldrunarheimili og sjúkrahús eru til háborinnar skammar.
• Öryrkjar þurfa að fá ráðherra sakfelldann til þess að fá sjálfsögð loforð uppfyllt
• Tannheilsa barna hefur farið á lagjöra niðurleið
• Þeir ríku verða ríkari, sökum lúmskulegra skattabreytinga
• Verðbólgan er himinhá
• Skattleysismörk hafa ekki fylgt launaþróun og þar rýrt kaupmátt þeirra fátækustu

Og svona mætti lengi telja, mér varla þurfa að eiga fleiri orð um það. Þess vegna finnst mér að fólk ætti að kynna sér ástandið betur áður en það kýs íhaldið.