Norskir karlmenn eru til skammar!

Mér brá virkilega þegar ég sá þessa frétt ! Það er eins og norskir karlmenn hafi orðið eftir í þróunni og nýkomnir úr trjánum !
Í fréttinni stendur:

Töldu 48% þátttakenda í könnun að konur beri að öllu leyti eða hluta ábyrgð á því að þeim sé nauðgað ef þær hafa daðrað opinskátt áður en þær verða fyrir árás.

Hvurslags er þetta??? Taka norskir karlmenn enga ábyrgð á sjálfum sér? úfff ...

Og áfram heldur kjaftæðið:

Einn af hverjum fimm þátttakendum sagði að konur sem eru þekktar fyrir að vera með mörgum mönnum beri að öllu leyti eða hluta ábyrgð á því ef þeim er nauðgað.

28% sögðust telja að kona sem klæðir sig á kynferðislega ögrandi hátt beri að öllu leyti eða hluta ábyrgð á því ef henni er nauðgað.

Ja hérna ... konur eru sem sé lauslátar daðurdósir og bjóða uppá þetta ! Sorrý, mér finnst þetta bara ógeðslegt og til háborinnar skammar hjá siðmenntaðri þjóð sem Noregi!!!!

Mikið er ég feginn að búa í landi sem konur eru ekki litnar þessum augum. Ástandið er ekki fullkomið, ég geri mér grein fyrir því,
en svona slæmir eru íslenskir karlmenn ekki !

... vona ég að minnsta kosti !

Hér til hægri ber að líta norskan karlmann !!  ----->

Konunum sjálfum að kenna

Athugasemdir

[arnar valgeirsson, 25.4.2007 kl. 23:36]

Þetta eru náttúrulega fáránlegar tölur og manni finnst skrýtið ef rétt er. Hér á landi klæða píurnar sig nú þokkalega grallaralega á djamminu og strákarnir reyna að vera drullufínir. Þá ætti samkvæmt nojurum að vera í lagi með eins og áttahundruð léttar nauðganir á góðu föstudagskvöldi, bara í borginni. Þetta passar auðvitað ekki. Einu sinni bjó ég í Noregi og ef gallabuxur og mittisjakki þýða að stelpan sé að bjóða upp á að vera tekin, ósamþykk, þá eru nojarar klikk...

[Tryggvi H., 26.4.2007 kl. 10:25]

hver er til skammar?

http://tryggvih.blog.is/blog/tryggvih/entry/189195/

[Guðsteinn Haukur Barkarson, 26.4.2007 kl. 12:55]

Takk fyrir þetta Tryggvi, ég er búinn að lesa um þetta á blogginu þínu og sé að könnunin sjálf var til háborinnar skammar og alls ekki rétt !

Ég hvet alla til þess að skoða þetta betur á blogginu hans Tryggva !  

[Ásthildur Cesil Þórðardóttir, 26.4.2007 kl. 13:33]

Þetta sýnir og sannar bara ennþá einu sinni hvernig hægt er að mynda fyrirframákveðna niðurstöðu í könnunum.  Til dæmis eins og ef þú kýst ekki Sjálfsstæðisflokkinn hvaða flokk myndir þú þá kjósa?  Menn geta haft ýmis álit á skoðanakönnunum, en svona spurningar eru að mínu mati leiðandi og ekki til sóma þeim sem að þeim stendur.

[Guðsteinn Haukur Barkarson, 26.4.2007 kl. 15:01]

Góður punktur Ásthildur.