Afhverju gerist þetta alltaf?

Svona korter fyrir kosningar tekst sjálfgræðismönnun alltaf að rétta af kútinn, en það athyglisverðasta við þessa könnun er að Ómari Ragnarssyni hefur tekist að gera út af við framsókn og frjálslynda.

Íslandshreyfingin fengi 5,4 % atkvæða. Framsóknarflokkurinn fengi 4,5% atkvæða og Frjálslyndi flokkurinn 3,9% atkvæða.

Flott hjá Ómari !   Framsókn er risaeðla sem á fyrir lifandis löngu að vera útdauð, Frjálslyndi fasistaflokkurinn á ekkert erindi inná þing lengur eftir að þeir opinberuðu kynþáttahatursstefnu þeirra. Samfylkingin bætir lítillega við sig, þökk sé landsfundinum, alltaf þegar stjónmálaflokkar halda landsfund þá bæta þeir við fylgi sitt. Vinstri-grænir virðast óbreyttir, enda hafa þeir haldið kjafti um netlöggur og annan ófögnuð.

En allt sem hér er sagt er bara mín skoðun og enginn þarf að vera sammála mér.  Sérstaklega í ljósi þess að mér finnst flokkarnir hafa lítið til brunns að bera og má segja að mér finnist vera stjónmálaflokkakreppa í landinu. Ég veit ekkert hvern á að kjósa í vor ... 

Sjálfstæðisflokkur bætir við sig þingmanni í Reykjavík suður

Athugasemdir

[Ingvar Valgeirsson, 21.4.2007 kl. 15:18]

Breytir ekki því að Ómar virðist vera orðið elliært gamalmenni sem bullar út í eitt. Á ekkert erindi á þing - frekar en margir sem þar sitja fyrir.

[Guðsteinn Haukur Barkarson, 21.4.2007 kl. 17:09]

Já, eftir að ég sá hann í sjónvarpinu áðan þá er ég sammála þér, hann hafði ekkert til brunns að bera, engar lausnir bara fagurgala.

[Linda, 21.4.2007 kl. 17:59]

  frálslyndir eru ekki rasistar, sama hversu maður reinir að túlka þá kenningu. Þeir vilja einfaldlega að við förum varlega í útlendingar mál, svo að þeir sem minna mega sín verði ekki fórnað fyrir græðgi. M.a. Athugaðu eitt, ef þú værir í byggingar iðnaðinum, búin að vera það í mörg ár, færð kauphækkanir og soddan, hefur það ágætt enn þó mætti gera betur við þig.  Í dag getur þú ekki gengið að því sem sjálfsagður réttur í verkó að fá hærri laun eða launa hækkanir þar sem erlendir starfsmennt (greyin)vita ekki sýn réttingi og kjaramál og halda launum niðri. Enn fólk sem er ekki í verkamanna stétt kannski sér þetta ekki eins og þeir. 

Ps.  Vissulega getum við kennt okkur sjálf um þetta að stærasta leyti, því einungis hefur verið einblínt á Menntaskóla eða Hásskóla menntun, iðnmennt hefur verið sópað út í horn eins og skítugum sokkum, sem er skít, því hvar værum við án þeirra sem iðnmenntaðir eru.  (in deep shit) that where.  

[Halldór Sigurðsson, 21.4.2007 kl. 22:24]

En Sjálfstæðismenn munu tapa á heildina, vegna manns sem eru í topp sæti hjá þeim,og er frá Eyjum .

[Margrét St Hafsteinsdóttir, 21.4.2007 kl. 23:02]

Ég skil þig Guðsteinn. Manni finnst öll þessi kosningabarátta vera orðin glundroðakennd. Ætli maður loki ekki bara augunum þegar maður kýs og lætur ráðast hvar x-ið lendir  Eða skilar auðu.  Annars hef ég verið fylgjandi Samfylkingunni en finnst hún snúast ansi mikið um kvennapolitík og þú veist hvað mér finnst um þau mál  Kannski skýrist þetta fljótlega hjá okkur

[http://villimadurinn.bloggar.is/ (IP-tala skráð) 21.4.2007 kl. 23:08]

Sjálfstæðisflokkurinn heldur velli vegna þess að þeir hafa staðið sig mjög vel í peningamálum. Auðvitað má alltaf finna að hjá þeim, enn fyrir mitt leiti hryllir mig við vinstri stjórn, Já þeir boða velferðarsamfélag, enn kostnaðurinn sem yrði af því, myndi valda stórkostlegum skattahækkunum. 

[Ásthildur Cesil Þórðardóttir, 22.4.2007 kl. 11:50]

Sammála Lindu Frálslyndir er eini flokkurinn sem virkilega ber hag innflytjenda fyrir brjósti.  Við viljum geta tekið sómasamleg má móti fólki.  En ekki hrúgað þeim inn í þvílikm mæli að ekkert eftirlit sé með aðbúnaði þeirra.  Réttindi fyrir borð borin. 

Eða eins og ein ágæt vinkona mín sagði, við bjóðum fullt af fólki í afmælið okkar og gerum góða veislu, en við bjóðum ekki öllu bæjarfélaginu og eigum svo ekki nóg til að bjóða öllum.  Þú þarft að kynna þér stefnu okkar áður en þú tala svona Guðsteinn minn.

[Steinunn Helga Sigurðardóttir, 22.4.2007 kl. 12:17]

Í dag er dagur Jarðar ! Til hamingju með það, Ljós og friður til Jarðainnar og Þín Steina

[Guðsteinn Haukur Barkarson, 23.4.2007 kl. 10:03]

Já, ég tók sterkt til orða varðandi frjálslynda, en ég hvergi séð neina lausn á þessum vanda, frjálslyndir tala bara um að þetta sé vandi og koma aldrei með neinar haldbærar lausnir. Ég spyr þig Ásthildur, hvernig ætla frjálslyndir að leysa þetta? Þú segir að vel verði tekið á móti þeim, en hvernig? Ég sting upp á einu, við notum tól eins SHengen til þess að sigta út "óæskilega" menn, Shengen er með gagnagrunna yfir flesta hryðjuverkamenn heimsins. Felast ykkar lausnir í einhverju slíku?