Hroðaleg þróun!

Þessi frétt sannar að boðskapur öfgamúslima er farinn að fá byr undir báða vængi ! Tyrkland, sem rembist við að fá aðgang að ESB á undir högg að sækja með sína eigin þjóð. Boðskapur Bin Ladens og fleiri öfgamanna hefur greinilega haft sín áhrif og höfðað til þjóðernishyggju trykja. Því er verr og miður að svona öfgahópar skuli hafa svona geigvænleg áhrif. Þetta setur jafnvel spurningarmerki við hverjum við hleypum inn í landið okkar!?

En sem betur fer erum við aðilar að Shengen samkomulaginu, með því er hægt að stöðva "óæskilegar" persónur, (eða hvað á að kalla það) inní landið. Samskonar áras var gerð á kristnabókabúð á Gaza nýverið, ég segi fyrir persónulega, ég þori ekki að ferðast um þessi lönd á meðan hatur múslima til vestrænna ríkja er svona heiftarlegt. Ég tala nú ekki um að Ísland lagði blessun sína yfir þetta ógeðslega íraksstríð ! Múslimar vita flestir hverjir eru með og á móti þessu stríði,  og hika ekki við að láta skoðun sína í ljós.

Bænir mínar eru hjá þeim vesturlandabúum, sem dvelja á þessu svæði, og búa við þá ógn að vera skotinn niður eða pyntaður, einungis vegna þjóðernis eða skoðanna og vona ég að þetta leysist á sem farsælasta hátt. Einnig bið ég fyrir fjölskydum og vinum fórnarlamba þessa voðaverka.

Með Guðs blessun. 

Kristnir Tyrkir óttast vaxandi þjóðernishyggju í landinu

Athugasemdir

[Auður (IP-tala skráð) 20.4.2007 kl. 16:01]

Langaði bara að minna þig á að tyrknesk stjórnvöld lögðu líka blessun sína yfir innrásina í Írak. Þetta snýst ekki um stríð milli kristinna manna og múslima. Þar að auki þýðir það að  og öfgahyggja fari vaxandi í Tyrklandi ekki að mikið sé um hana. Það var reyndar frekar lítið um hana og þótt Kristnir Tyrkir sem og flestir aðrir íbúar landsins óttist að hún fari vaxandi þýðir það ekki að um stóran hóp sé að ræða. Ég var síðast í Tyrklandi s.l. haust og hef oftsinnis heimsótt landið og búið þar um tíma. Ég hef aldrei orðið fyrir aðkasti vegna trúar minnar.  

[Linda, 20.4.2007 kl. 18:42]

Meðan Tyrkkir geta ekki spornað gegn öfgum, eiga þeir ekkert erindi í ESB, las merkilega grein ekki alls fyrir löngu, um þegar páfin heimsótti þetta land, rithöfundur greinarinnar var þrumulostin yfir þeim raunveruleika sem er þarna og þeima sorglega raunveruleika kristina manna þar á bæ.  Frægar kirkjur í niðurnýslu, ekkert gert til að vernda helgidóma kristina mann sem hafa verið þarna frá manna minni, (AD) skal senda þér hana á meili við tækifæri. Fróðlega lesning.

[Guðsteinn Haukur Barkarson, 20.4.2007 kl. 19:05]

Auður, þú segir:
"Þetta snýst ekki um stríð milli kristinna manna og múslima."
Þetta var rétt hjá þér, en því miður er það ekki lengur. Staðreyndirnar tala sínu máli, og það hatur sem öfgamenn hafa dreift hefur smitað sér til almúgans. Það þýðir ekki að loka augun fyrir hættu sem blasir svo við. Þetta er mál sem snertir okkur öll, öfgatrú er aldrei af hinu góða, eins og þetta dæmi sannar.

[Guðsteinn Haukur Barkarson, 20.4.2007 kl. 19:06]

Ég vil þakka Skúla fræðimanni og Lindu fyrir innlitinn og sín vinsamlegu færslur. Guð blessi ykkur.

[Auður (IP-tala skráð) 20.4.2007 kl. 20:25]

Ég styð alls ekki núverandi ríkisstjórn Tyrklands enda forsætisráðherra landsins heittrúarmaður sem hefur ekki mikinn áhuga á að bæta lífskjör almennings í landinu. Þá er ég sammála því að aðgerðir þeirra gegn uppreisnarhreyfingu Kúrda hafa kostað of mörg mannslíf. Ekki má þó gleyma að Kúrdar og Tyrkir lifa almennt saman í sátt og samlyndi og átökin takmarkast nær undantekningalaust við austurhluta landsins þar sem uppreisnarmennirnir halda til. Fólkið í landinu er almennt ekki mjög upptekið af trúmálum og langt því frá að það sé uppfullt af hatri og líti þannig á að eitthvað stríð sé í gangi milli múslima og kristinna manna. Tyrkir líta t.d. ekki á araba sem einhverja sérstaka vini sína í ljósi sögunnar. Varðandi fornminjar sem tengjst sögu kristninnar þá er rétt að mikið af þeim hefur ekki verið grafið upp og/eða lögð vinna í að varðveita þær. Það sama á þó við um urmul af fornminjum í landinu sem ekki tengjast kristni á neinn hátt. Tyrkland er jú mjög fátækt og þótt ég sé sagnfræðingur þá tel ég nú mikilvægara að fólkið í landinu fái að borða en að minjarnar séu varðveittar. Hof Maríu meyjar við Efesus er þó dæmi um stað sem Tyrkir sýna mikla virðingu. Munið svo að við erum öll börn guðs.

[Auður (IP-tala skráð) 20.4.2007 kl. 20:32]

Já gleymdi að bæta við að öfgafullir þjóðernissinnar sem tengdust morðinu á Dink og taldir eru tengjast þessu máli vilja einmitt að þið bregðist við eins og þið eruð að gera. Þeir vilja nefnilega sverta ímynd Tyrkja út á við til að minnka líkurnar á að Tyrkir fái inngöngu í ESB.

[Linda, 21.4.2007 kl. 02:28]

  hehe enn í alvöru talað, sumir fatta ekki vandann   

[Guðsteinn Haukur Barkarson, 21.4.2007 kl. 14:07]

Auður, ég þakka góð innlegg að þinni hálfu, og skil ég þitt sjónarmið vel. Allt sem þú bentir á er rétt og mótmæli ég því ekki nema einu atriði, sú þróun sem ég er að benda á, hefur aldrei verið til fyrr en nú, það sem er því miður að gerast er að þessi íslömsku öfgasamtök ala á verstu hvatir mannsins, hatur!

Það er það sem ég átti við með þessum pistli mínum og þótt þú hafir ekki séð þennan ríg sem er að myndast á milli kristinna og múslima, þýðir ekki að hann sé ekki til staðar. Þú verður að gera þér grein fyrir hættunni sem fylgir, ég er að vara við þessum trúaröfgum sem ráða ríkjum meðal múslima á hendur kristinna.