Er búið að selja moggabloggið? Opið bréf ritstjóra blog.is

Hvað er annars í gangi? Í fyrsta lagi er búið að fjarlægja linkinn sem áður var á forsíðu mbl.is. (Ég bætti inn með rauðu hvar tengillinn var.)

Eina sem situr eftir á mbl.is er kassinn sem birtir blogggreinar!

Sama má segja um forsíðu blog.is sem hefur gerbreyst hvað útlit varðar, og allir rammar og tenglar sem áður tilheyrðu mbl.is hafa greinilega verið fjarlægðir.

 

 

 

 

 

 

 

 

 

 

 

 

Eins hefur efsti ramminn breyst sem blog.is, ég á við innskráningarrammann. Það er búið að fjarlægja mbl.is linkinn sem var alltaf þarna. (Ég bætti inn með rauðu hvar tengillinn var)

Ég spyr þá hæstvirta ritstjóra blog.is:

1. Er búið að gera blog.is að sjálfstæðri einingu sem er ekki lengur tengd mbl.is?
2. Má búast við einhverjum breytingum? Eins og verður áfram hægt að tengja við fréttir á mbl.is ?
3. Af hverju hafa engan tilkynningar verið gefnar úr um málið þar sem auðséð að stórbreyting er um að ræða.
4. Verður einhver breyting gerð á skilmálum blog.is í kjölfarið? 
5. Hver er staða málsins?

Athugasemdir

[Ægir Óskar Hallgrímsson, 16.3.2010 kl. 22:49]

Þetta er nú meira bullið..ætli menn séu ekki að loka á þetta..þar sem sannleikann er að finna..sannleikurinn er sár.

[Guðsteinn Haukur Barkarson, 16.3.2010 kl. 22:52]

Ég veit ekki alveg hvað er í gangi Ægir, en ég bíð eftir svörum frá ritstjórn blog.is.

[Björn Birgisson, 16.3.2010 kl. 23:13]

Er ekki Hrunskýrslan handan við hornið?

[Jón Steinar Ragnarsson, 16.3.2010 kl. 23:15]

Þeir lokuðu á það að bloggarar fengju að lesa forystugreinar á Morgunblaðsblogginu um daginn, þannig að nú fær enginn að lesa né gera athugasemdir nema að vera áskrifandi.

Mér sýnist þeir vera að loka fyrir þetta mátt og smátt, eða gera aðganginn torveldari, enda eru viðkvæm mál fyrir höndum hjá þeim, eins og fyrningarleiðin. Ekki æskilegt að fólk lesi hvað menn hafi um það að segja.

Nú svo er það náttúrlega skýrsla ríkisendurskoðunnar.  Ætli að þeir loki ekki alveg á meðan sá darraðadans gengur yfir.

Það eru allavega einhver rosaleg "klókindi" í gangi.  Þeir hefðu þó getað haft í sér uppburði til að láta fólk vita hvað þeir hyggjast fyrir.

[Sævar Helgason, 16.3.2010 kl. 23:23]

Er það sem menn eru að leita að ekki á stikunni til vinstri ? Neðst með stórum og skýrum stöfum BLOGG.IS

[Guðsteinn Haukur Barkarson, 16.3.2010 kl. 23:27]

Björn - afar athyglisverður punktur!

Jón Steinar - já þú dregur einnig upp góða punkta, ég vissi t.d. ekki um að þeir hefðu lokað á athugasemdir nema að vera áskrifendur á forystugreinarnar. Einnig er það sennilega viðkvæmt fyrir íhaldið að fjalla að viti um sjávarútveg, það er verulega sterkur punktur hjá þér. En að öllum samsæriskenningum slepptum, þá vil ég heyra hvað ritstjórn blog.is segir. "Straight from the horses mouth" eins og er sagt á ensku.

Sævar - jú jú, en hvað varð um MBL.IS sem var þarna???

[Kama Sutra, 16.3.2010 kl. 23:59]

Ætli fólk þurfi framvegis að sverja Móranum hollustueið til að fá að blogga hérna?

Ekki yrði ég hissa.

[Óskar, 17.3.2010 kl. 00:09]

Heil Davíð!

[Guðsteinn Haukur Barkarson, 17.3.2010 kl. 00:14]

Kama Sutra - ég veit það nú ekki, en við sjáum til hvað ritstjórnin segir ef ég fæ viðbrögð frá þeim.

Óskar - heil Óskar?

[Rósa Aðalsteinsdóttir, 17.3.2010 kl. 05:03]

Sæll og blessaður

Lifi konungurinn Davíð.

Athyglisverðar umræður. Jón steinar bendir á athyglisverða punkta:

"Þeir lokuðu á það að bloggarar fengju að lesa forystugreinar á Morgunblaðsblogginu um daginn." Er ekki lengur frelsi að skrifa á Íslandi? Hvað gerist þegar Svarta skýrslan loksins kemur?  Þar kemur margt óþægilegt fram. Kannski verður páskafrí á blogginu á meðan, ég nú var ég bara að grínast.

Þar sem svo margir hættu að kaupa moggann þegar nýir ritstjórar voru ráðnir þá þarf að fá nýja kaupendur og kannski verðum við skikkuð til að kaupa moggann ef við ætlum að halda áfram að blogga.

Guð veri með þér

Kær kveðja/Rósa

[Baldur Kristinsson, 17.3.2010 kl. 08:33]

Það er rétt hjá þér, Guðsteinn, að réttast hefði verið að tilkynna um þessa breytingu fyrirfram. Nú er komin færsla á kerfisbloggið þar sem spurningum þínum er svarað.

[Guðsteinn Haukur Barkarson, 17.3.2010 kl. 09:58]

Rósa - já ég er ekki alveg að skilja hvað býr þarna á bak við, en vona að það sé saklaust.

Baldur- takk fyrir þetta. Þar stendur:

Breytingar á forsíðum blog.is og mbl.is

Í gær, 16. mars, var útliti forsíðu blog.is breytt og hún flutt af léninu mbl.is undir lénið blog.is. Á sama tíma var flipinn „Bloggið“ fjarlægður úr af forsíðu mbl.is og í staðinn settur fastur hnappur neðan við tenglana á sérvefi mbl.is efst í vinstra dálki. Jafnframt var lógó mbl.is tekið úr síðuhaus blog.is.

Boxið með efni af blog.is á miðri forsíðu mbl.is helst óbreytt, og fréttatengingar við bloggfærslur virka á sama hátt og áður. Engin áform eru um að breyta þessu, og skilmálar blog.is verða áfram þeir sömu.

Tilgangurinn með þessum breytingum er fyrst og fremst að skapa betri aðgreiningu milli þess efnis sem heyrir undir ritstjórnarlega ábyrgð Morgunblaðsins og annars efnis.

Skrítið að þeir skulu ekki senda svona fyrr.

[DoctorE (IP-tala skráð) 17.3.2010 kl. 10:49]

Þetta er náttlega hlægileg afsökun hjá Baldri og mbl... hér er verið að fela bloggið smá saman; Eins og alþjóð veit þá þolir sjálfstæðisflokkur ekki sannleikann.. og þá sérstaklega sannleikan um sjálfan sig.

Ég segi það og skrifa, hver sá sem heldur áfram að blogga á málgagni krossD... sá hinn sami er svona eins og kona sem er beytt ofbeldi og telur sig vera seka.

Keep blogging here pussies. :)

[Theódór Norðkvist, 17.3.2010 kl. 11:00]

Sagt að tilgangurinn sé að skilja á milli efnis sem heyrir undir ritstjórnarlega ábyrgð Morgunblaðsins og annars efnis.

Þýðir það að ritstjórnin muni ekki skipta sér af bloggurum eða loka á þá, ef þeir verða óþægilegir eða of harðir í gagnrýni, eins og hefur áður gerst?

Ég vona það og fagna því ef svo verður.

[Axel Jóhann Hallgrímsson, 17.3.2010 kl. 11:15]

Björn hittir naglann á höfuðið, mér kæmi ekki á óvart þótt tenging við fréttir dytti alveg út fljótlega. Fari svo er sjálflokað.

[Guðsteinn Haukur Barkarson, 17.3.2010 kl. 12:58]

Dokksi - ég er með blogg annarsstaðar. 

Teddi - ég held að það verði enginn breyting á því, skilmálarnir eru hið minnsta þeir sömu og voru.

Axel - já það er samt ekki gott að segja.

[Grefillinn Sjálfur - Koma svo! (IP-tala skráð) 17.3.2010 kl. 16:27]

Voru margir að skilja þetta þannig að það sem bloggarar skrifuðu "heyrði undir ritstjórnarlega ábyrgð Morgunblaðsins".

Eitthvað finnst mér a.m.k. bogið við þessa skýringu.

[Theódór Norðkvist, 17.3.2010 kl. 20:28]

Tilgangurinn með þessum breytingum er fyrst og fremst að skapa betri aðgreiningu milli þess efnis sem heyrir undir ritstjórnarlega ábyrgð Morgunblaðsins og annars efnis.

Mér finnst ekki hægt að skilja þessi orð öðruvísi en að verið sé að segja að greinar bloggara heyri ekki undir ritstjórnarlega ábyrgð.

Í skilmálunum segir m.a.:

Með því að staðfesta þessa skilmála er notandi að staðfesta að hann beri ábyrgð á öllum skrifum, myndbirtingum, myndbandabirtingum og öðru efni sem birtist á síðu hans. Óheimilt er að birta á síðum efni sem særir blygðunarsemi manna. Morgunblaðið ber á engan hátt ábyrgð á því sem notandi eða þeir sem heimsækja síðu notanda setja á síðu notanda.

Morgunblaðið áskilur sér rétt til að grípa inn í, bregðist notandi ekki við óskum eða tilmælum um leiðréttingar/lagfæringar á skrifum sem teljast meiðandi eða brjóta gegn skilmálum þessum. Jafnframt áskilur Morgunblaðið sér rétt til að loka síðu notanda, að hluta til eða í heild, án þess að notandi eða þriðji aðili öðlist skaðabótarétt.

Hefur alltaf fundist það skrýtið að Morgunblaðsmenn eru að loka bloggsíðum ef þeir bera sjálfir enga ábyrgð á því sem þar er skrifað. Tek fram að mér finnst það sjálfsagt ef skilmálarnir eru augljóslega brotnir, sem bloggarar samþykkja við stofnun bloggs.

Það hvílir kannski á Árvakursmönnum (eða hvað þetta fyrirbæri heitir eftir skuldhreinsunina) annars konar ábyrgð en hin ritstjórnarlega? Spyr sá sem ekki veit.

[hilmar jónsson, 17.3.2010 kl. 20:59]

Hvert barn sér hvað hér er í gangi..tímasetning-markmið

Já það er mikil reisn yfir hrunmeistaranum í Hádegismóum núna..

[Guðsteinn Haukur Barkarson, 17.3.2010 kl. 21:06]

Grefill - já, þetta er jafn óljóst og skilmálar bankanna, það skilur ekki nokkur maður í þeim ... kannski gert viljandi, ég veit það ekki.

Teddi - góð spurning!

Hilmar - ég veit ekki ... tíminn mun leiða þetta í ljós.

[Brynjar Jóhannsson, 17.3.2010 kl. 23:26]

Ég held reyndar að svarið við þessu sé í raun ekkert rosalega samsæriskenningalegt. Morgunblaðið er að fara á hausinn og geta ekki lengur borgað mannskapi til þess að halda utan um bloggið. Því fría þeir sig undan allri ábyrgð og losa sig snyrtilega við það.

Þetta stríð þeirra er skíttapað og aðeins tímaspursmál hvenær þessi forni fjölmiðill veður tekin til þrotaskipta. 

[Guðsteinn Haukur Barkarson, 17.3.2010 kl. 23:31]

Vel mælt Brynjar, maður kemur ekki að tómum kofanum hjá þér ferkar en fyrri daginn.

[Vendetta, 18.3.2010 kl. 12:58]

Ég efast um að hrunskýrslan valdi þessu, enda mun hún aldrei verða birt. Ekki frekar en kosningaúrslit í Zimbabwe.

[Guðsteinn Haukur Barkarson, 18.3.2010 kl. 17:58]

"Time will tell" Vendetta. 

[H.T. Bjarnason (IP-tala skráð) 19.3.2010 kl. 12:49]

Mér finnst þessi umræða vera stormur í vatnsglasi.