Í upphafi var orðið ...

Föstudagur, 5. mars 2010

Mottukeppnin mikla - karlar og krabbamein

Eftir margar áskoranir og þrætur um hvað ég er herfilega ljótur með skegg, ég tala nú ekki um mottu, þá hef ég samt ákveðið að leggja góðu málefni lið.

Hér er prófillinn minn á karlarogkrabbamein.is. Hér eru leiðbeiningar um hvernig að þessu er staðið.

Sendu SMS á númerið 905-5555 með keppnisnúmeri 1878 í textasvæðið til að heita á keppanda
Ath - 499 krónur verða gjaldfærðar af símreikningi

Ég mun reyna að uppfæra þennan prófíl eins og ég get, og hvet ég alla sem þetta lesa að leggja þessu málefni lið! Cool

Meginflokkur: Heilbrigðismál | Aukaflokkar: Bloggar, Vinir og fjölskylda, Lífstíll | Facebook

Athugasemdir

hæ hæ, búin ;) knús

Linda, 5.3.2010 kl. 19:20

Takk Linda mín!

Guðsteinn Haukur Barkarson, 5.3.2010 kl. 19:34

Þú ert nú ágætlega sætur með skegg. Reyndar dálítið eins og einn úr skyttunum þremur. Þegar ég sá þig er þú komst heim af sjónum órakaður, brá mér reyndar dálítið og það nánast hrökk út úr mér: "Hæ, gosi!" (sbr. spilið sem maður spilaði sem barn).

Hinsvegar er ekkert gaman að kyssa svona lopamottur (ef einhver karlmaður skyldi hafa haldið það). Það liggur við að það blæði undan ykkur á meðan ósköpin eru að vaxa út, gerist maður svo djarfur að komast í návígi við broddana.

En þetta er allt málstaðarins virði. Og húmorsins.

Bryndís Böðvarsdóttir, 6.3.2010 kl. 17:53

.... og eiginkonan hefur talað! hehehe ... takk Bryndís mín, ég elska þig líka.

Guðsteinn Haukur Barkarson, 6.3.2010 kl. 17:56

Er þessi náungi á myndinni einhverskonar skegghnakki með hármótunarvörur til að móta það?

Flower, 6.3.2010 kl. 22:34

Flower - mér dettur í hug trélím eins og pönkarar notuðu ... en hver veit.

Guðsteinn Haukur Barkarson, 7.3.2010 kl. 02:32

Einhver sagði mér fyrir mörgum árum, að á Íslandi væri litið á menn með yfirvaraskegg sem glæpamenn. Ég hef líka hitt konur, sem finnst yfirvaraskegg asnalegt, en eru sáttar við alskegg. Ég geri þó ráð fyrir, að Jackass-skegg sé þeim ekki að skapi.

Ef ég nú raka af mér hökuskeggið og skil yfirvaraskeggið eftir, þarf ég þá alveg nauðsynlega að fara þukla á pungnum sjálfur, eins feiminn og ég er? Eða get ég farið uppá krabbameinsdeild og látið einhverja hjúkku gera það?

Vendetta, 7.3.2010 kl. 13:12

Vendetta - Gaurinn á myndinni sem þú ert með myndi sennilega vinna keppnina! En jú, eins og er eftir 2 daga söfnun lít ég út eins og glæpamaður, ég fór meira að segja í búð áðan og tók eftir að lítil börn tóku krók framhjá mér! Eins saklaus og ég er nú venjulega ... en ég birti myndir á morgun af "afrakstrinum" ef ég má orða það svo.