Gömul heimskuleg hjátrú

Ekki er mikið að marka þessar spár hjá á Vikunni. Ekki veit ég hvað hann/hún gerði sem heldur svona fram, hvort hún hafi kastað beinum, spáð í bolla eða hreint og beint giskað. En í nútímaþjóðfélagi á ekki að taka mark á svona rugli.

Mér fannst Völvuspáin hans Dokksa míns miklu betri, enda lofaði hann mér að hafa mig með næst í herlegheitunum! 

Völvan spáir stjórnarslitum

Karlmenn geta víst gert tvo hluti í einu!!!

Ég fékk þetta myndband í tölvupósti og varð að setja þetta inn, þeir eru greinilega ekki teprur í hinu frjálsa Frakklandi og karlarnir þar kunna greinilega að bjarga sér þegar í harðbakkann slær og kunna að stýra því til betri vegar ! 

Ekki er ég vanur að setja svona lagað inn, en hey, maður lifir bara einu sinni og auk þess er þetta mjög fyndið! 

Gleðilegt ár ! :D

Ég er haldinn alvarlegri ritstíflu þessa daganna. Mér dettur ekkert í hug að blogga um, þess vegna vil ég nota tækifærið þar sem ég hef ekkert meira að viti fram að færa, GLEÐILEGT ÁR og þakka ég viðkynni allra bloggvina minna.

Eins vil ég þakka öllum þeim sem báru mér og fjölskyldu minni jólakveðju í færslunni hér á undan.

Munum svo að styrkja björgunarsveitirnar í sínu góða starfi, og kaupum hjá þeim aðilum sem við treystum að þetta renni í rétta vasa.

Gleðilegt ár allir, og bæn mín er sú að næsta ár verði gæfuríkt og stútfullt af Guð náð fyrir þig og þína.

 

P.s. mér tókst hið ómögulega ... ég stóð loksins við orð mín um bloggfrí!! 

Gleðileg jól

Megið þið öll eiga gleðileg jól, ég ætla í bloggfrí yfir hátíðarnar því ég þarf að taka virkan þátt í efnishyggju geðveikinni sem fylgir jólunum.

Gleðileg jól og farsælt komandi ár!

 

 

Hvað eru jólin?

Í dag eru 8 dagar til jóla, en hvað eru jólin og afhverju erum við halda uppá þau? Núna aldrei þessu vant ætla ég ekki að vera með trúarræðu, heldur ætla ég að benda á að tilgangur jólanna er ást , friður og að elska náungann.

Í öllu ysi og þysi í kringum þessa hátíð gleymast oft nokkur mikilvæg atriði; ást, kærleikur og friður á jörð.

Á þessum tímum sem stríð eru háð um víða veröld, fólk sveltur, mannréttindi eru hlunnfarinn og fólk deyr í hrönnum vegna þorsta og skorts. Þá minni ég menn á að staldra aðeins við og anda með nefinu, þetta snýst nefnilega ekki allt saman um okkur sjálf og okkar eigin fjölskyldur.

Margir eiga um sárt að binda um heiminn og er skorturinn mikill!

Ég skora á ykkur að leggja einhverjum af eftirfarandi félögum lið svo þau geta beitt sér til þess betra þennan vonda heim:

• ABC hjálparstarf
• Hjálparstarf kirkjunnar -
  sem sér um að koma upp vatnsbólum þar sem enginn eru.
  
• Kraftur - félag aðstandenda með krabbamein
• Mæðrastyrksnefnd 
• Rauði kross Íslands 

Jólin er tími sátta og fyrirgefningar, sama hvaða trúar þú ert. Ofangreind félög eru bara örfá sem geta látið gott af sér leiða, óháð trú eða skoðununum. Látum skoðannir ekki flækjast fyrir og gefum náunga okkar tækifærið sem hann/hún á skilið. Það er megin inntak jólanna auk þess sem við höldum uppá fæðingu frelsarans.

Guð blessi ykkur yfir hátíðarnar og gleðileg jól!   

Gospeltónleikar

 

Þú verður að smella 2x á myndina til þess að sjá hana almennilega. 

Furðulegar játningar ...

Ég verð að játa nokkra furðulega hluti um mig sem ég veit að fær fólk til þess að brosa og sjá hversu mikill vitleysingur ég er. En ég er með nokkra hæfileika/einkenni sem mega varla teljast eðlileg.

• Ég er tvíliðaður í þumalfingrunum, get skipt um lið og látið líta út eins og ég hafi brotið mig.
• Ég er afar liðugur og gat meira að segja spilað á trompet með tánum þegar ég var yngri.
• Ég hef fáránlega góða heyrn, heyri allskyns hljóð sem enginn tekur eftir, og hefur það komið sér vel þegar börnin mín eru að gera eitthvað af sér. 
• Ég var skyggn áður en ég frelsaðist.
• Ég sé árur þegar ég er þreyttur, er með fæðingargalla í augunum. Linsan er boginn á þá gráðu sem þarf að sjá árur, en gerist bara þegar ég þreyttur.
• Ég get borðað alveg ótrúlega sterkan mat án þess að blikna, enda er ég chilli fíkill.
• Ég get klárað skopteikningu af einhverjum á innan við 30 sek.
• Ég get talað og bjargað mér á að minnsta kosti 4 tungumálum.
• Ég kann að elda og held að ég geri það vel. (Þetta hef ég eftir öðrum)
• Ég er með ljósmyndaminni (eða snert af því)
• Ég er fíkill á sjónvarpsstöð sem heitir BBC Food.

Ég er bara ég og vona að þið hafið haft gaman að þessari furðulegu upptalningu minni, vona að þið álítið þetta ekki sem mont eða neitt slíkt, heldur er þetta aðeins játningar sem einn vinur minn skoraði á mig að opinbera.

Munum að öll erum við skrítinn, bara mismunandi mikið !  ;-) 

Guð blessi ykkur. 

P.s. meint bloggfrí mitt er nú búið!   ;)

Það drynur neðarlega í UPPtyppingum

Ég stóðst ekki mátið! Þessi frétt og nafnavalið á þessum stað eru hreint frábærar!

Í fréttinni STENDUR:

Skjálftahrinur hafa komið  við Upptyppinga öðru hvoru frá því  í lok febrúar sl. og hafa jarðeðlisfræðingar sagt að þær stafi líklega af kvikuhreyfingum í neðri hluta jarðskorpunnar.

En ekki hvað? Ég veit að allir karlmenn skilja hvað ég meina, við berjumst jú allir við upptyppinga annars lagið! Hvað kemur þá næst? Lesum við um snjóflóð í brjóstagjá kannski? 

Skjálftavirkni við Upptyppinga

James May vs Gordon Ramsey

Þetta er alveg ótrúlegt að horfa á, en það er auðséð hver er hetjan í endanum!

 

Lengi lifi íslenskur hákarl !! 

Er einhver hissa á að Kalli sé pirraður?

Allt tekið af heimsíðu siðmenntar og úr stefnuskrá þeirra:
 
Þar stendur:

1. Afnema þarf lög um guðlast
Í 125. gr. almennra hegningarlaga nr. 19/1940 segir:

Hver, sem opinberlega dregur dár að eða smánar trúarkenningar eða guðsdýrkun löglegs trúarbragðafélags, sem er hér á landi, skal sæta sektum eða [fangelsi allt að 3 mánuðum].1) Mál skal ekki höfða, nema að fyrirlagi saksóknara.

Hmmm ... ég sé ekki tilganginn með afnema þetta, þarna eru þeir að bjóða hættunni heim. Í þessum lagadálk eru ÖLL trúfélög (lögleg) vernduð, þar á meðal þeir sjálfir. Þetta heitir að skjóta sig í fótinn!

Áfram halda þeir:

Trúarleg innræting eða ,,siðferðiskennsla" tengd ákveðnum trúarbrögðum ætti aldrei að eiga sér stað í opinberum skólum eins og dæmin sanna því miður að nú er gert. Hér er gefið í skyn að umburðarlyndi, lýðræði og siðferði séu sérstaklega kristileg fyrirbæri. Það er auðvitað ekki rétt. Erfitt getur verið fyrir þá sem ekki eru kristnir (trúlausir eða annarrar trúar) að hlusta á og sætta sig við slíkan boðskap í ríkisreknum skólum.

Þarna eiga þeir sennilega við vinaleið þjóðkirkjunnar, og verð ég að játa að ég er sammála að vissu leiti Siðmenntarmönnum, ég er jú sammála innihaldi vinaleiðarinnar, en ekki framkvæmd hennar. En það breytir því ekki að trúarbragðasaga/kristinfræði er og verður aldrei 'trúboð'. Þetta er almennur skyldu áfangi sem öll verða að taka.

Því þeir halda áfram á sama stað og segja:

Í sömu námsskrá kemur fram að nemendur eigi að gera sér:

...grein fyrir því hvaða þýðingu krossdauði Jesú og upprisutrúin hefur fyrir kristna einstaklinga andspænis dauðanum og þá von sem henni tengist.

Á að kenna þetta í skólum? Hvaða þýðingu hefur þetta fyrir trúlausa og þá sem eru annarar trúar?

Samkvæmt námsskrá er tilgangur kristnifræðslunnar:

 [efla] trúarlegan... þroska [nemenda]

Í námsskrá grunnskólans kemur fram að kenna eigi börnum bænir og sálma auk þess sem því er haldið blákalt fram að ýmsar goðsögur kristinnar trúar, þ.m.t. að meyfæðing og upprisa Jesú, séu sagnfræðilegar staðreyndir.

Ömmm ... kemur þetta svona á óvart að krossdauði Jesú er kennt? Við búum í kristnu samfélagi og ekkert er óeðlilegt við það, þeir sem eru annarar skoðunnar hafa gott að því að vita hver skoðun megin hluta landsmanna er.

Þeir segja svo áfram:

Mörg dæmi eru um að heilu skóladögunum sé eytt í að kenna börnum að semja og fara með kristnar bænir og stundum kemur fyrir að farið er með börn í messur á skólatíma og þá jafnvel án leyfis foreldra.
Jafnframt kemur fyrir að fermingarfræðslunni svokölluðu sé komið fyrir inni í miðri stundaskrá nemenda þannig að ferming lítur út fyrir að vera hluti af eðlilegu skólastarfi. Til að mynda eru farnar dagsferðir með krakkana á skólatíma fyrir fermingarfræðslu. Þetta er bæði óréttlátt og líklegast brot á grunnskólalögum sem kveða á um fjölda kennsludaga.

Þetta er nú það sem menntamálaráðherra var að leiðrétta um daginn, fermingarfræðslan er ekki hluti af skólastarfi og hefur aldrei verið. Þetta vita kirkjunnarmenn mæta vel og finnst mér þessi gagnrýni hálf kjánaleg. Sérstaklega í ljósi þess að þeim finnst allt í lagi að fá frí vegna íþróttaviðburða, skólaferðalaga og annara hluta sem eru hluti af 'stundaskrá' nemenda og kemur niður á fjölda kennsludaga. Ótrúlegt alveg.

Svo níðast þeir á ríkisútvarpinu:

Eðlilegt er að fjölmiðill í eigu almennings gæti fyllsta hlutleysis. Þetta á ekki síst við þegar fjallað er um trúarbrögð. Því er ekki viðeigandi að á dagskrá ríkisfjölmiðils sé predikun eða annar einhliða trúaráróður. Því er mælst til að allt trúboð verði tekið af dagskrá ríkisfjölmiðla. Sérstaklega eru gerðar athugasemdir við trúarboðskap í ýmsum barnaþáttum á vegum Ríkisútvarpsins. Trúaruppeldi á alfarið að vera á ábyrgð foreldra en ekki ríkisins.

Ja hérna, þarna fór Jólamessan! Ég bendi á að það eru til trúaðir sem hreinlega komast ekki í messu, kannski vegna heilsu eða staðsetningu. Eiga þeir þá ekki rétt á að heyra messunni útvarpað þegar þau engan veginn komast á staðinn? Ef menn eru svona viðkvæmir þá er til: "Off" takki á útvarpinu, eða jafnvel skipta um stöð. Mér finnst þetta halllærislegt barráttumál að þeirra hálfu.

Eins vilja þeir banna þingmönnum að sækja messu þegar þing er sett. Þeir segja:

Alþingi allra Íslendinga hefst með messu og bænagjörð
Það er ekki hlutverk alþingismanna að hlusta á predikanir um gildi kristninnar og fara með bænir. Alþingi á að vera veraldleg stofnun en ekki kirkjuleg. Þeim sem ekki tilheyra kristnum trúarbrögðum líður stundum eins og annars flokks þegnum. Er þetta ein ástæðan. Það er nánast gefið í skyn að þingmenn geti ekki verið annarrar trúar eða trúleysingjar.

Ég held að alþingismenn hafi gott af því að það sé predikað og beðið fyrir þeim miðað við verk sumra þeirra . Og ef þeir eru eitthvað óssáttir, hver er að pína þá til að mæta? Er einhver að merkja í kladdann hjá þeim? Seinast þegar ég tékkaði er að geta VALIÐ frelsi, og finnst mér að þeir séu að fjarlægja það val.

Svona má halda lengi áfram, er þá einhver hissa á að Kalli biskup sé pirraður útí þetta fólk?

Og því til rökstuðnings birti ég tvær nýlegar kannanir um trúmál íslendinga. Spurningarnar í þeim eru sitt hvorar og öðruvísi en byggir á sama grundvallarniðurstöðu að meirihlutinn er sáttur við siðinn í landinu.

 

Ég birti hér tvær kannanir sem birta ótvírætt vilja þjóðarinnar og skoðun:

Á að afnema siðferðisregluna um kristilegt siðgæði úr grunnskólalögum?      
 
Nei: 8206 atkvæði eða 90.3%    
 
Já: 868 atkvæði eða 9.6%    
 
Hlutlaus: 9 atkvæði eða 0.1%    

Fjöldi kjósenda:	:  9083
Fyrst kosið:	:  föstudagur, 30 nóvember 2007 11:58
Síðast kosið:	:  mánudagur, 03 desember 2007 09:40

Smella hér fyrir heimild

Og einnig:

Hér er svo önnur könnun sem fréttablaðið stóð fyrir:

Ert þú fylgjandi trúarlegu starfi presta í leikskólum?

Já 61,8%

Nei 38,2%

Fréttablaðið, laugardagur 1. des. 2007 - Smella hér fyrir heimild

Það sem ég meina að það er skýrt hver meirihlutinn er, og er kristni ekki á undanhaldi sem betur fer.

(Þetta var nú meira bloggfríið hjá mér! ) 

Krefjast afsökunarbeiðni frá biskupi