Söngvakeppnin ... hvað finnst ykkur?

Á laugardaginn kemur kl. 20:30 verður söngvakeppni sjónvarpsins sýnd á Rúv, ég er ekki vanur að sýna svona löguðu nokkurn áhuga og flý yfirleitt af hólmi þegar um svona lagað er að ræða.

En í þetta sinn geri ég undantekningu, því það er eitt lag sem hefur gripið mig. Það er lag Herberts Guðmundssonar; "Eilíf Ást" sem greip mig. Herbert verður fyrstur á svið á laugardaginn kemur og hvet ég alla til þess að hlusta á lagið dæma fyrir ykkur sjálf.

Gleðileg jól!

 

Megi algóður Guð blessa ykkur öll um hátíðarnar.

Útilega mannkyns búinn samkvæmt Harold Camping

Ég hef verið að fylgjast með þessu undanfarna daga, og get ég ekki annað en lýst frati yfir svona yfirlýsingum. Ef við horfum bara á orð Jesú sjálfs þegar minnst er á svona "spádóma" (ef spádóma má kalla)

Matteusarguðspjall 24:24-27
²⁴ Því að fram munu koma falskristar og falsspámenn, og þeir munu gjöra stór tákn og undur til að leiða afvega jafnvel hina útvöldu, ef orðið gæti.
²⁵ Sjá, ég hef sagt yður það fyrir.
²⁶ Ef þeir segja við yður: Sjá, hann er í óbyggðum, þá farið ekki þangað. Ef þeir segja: Sjá, hann er í leynum, þá trúið því ekki.
²⁷ Eins og elding sem leiftrar frá austri til vesturs, svo mun verða koma Mannssonarins.

Sama má segja um:

Matteusarguðspjall 24:36
En þann dag og stund veit enginn, hvorki englar á himnum né sonurinn, enginn nema faðirinn einn.

Tökum því ekki mark á svona falsspámönnum, sem þykjast hafa allt í hendi sér. Hann er einu sinni búinn að spá heimsendi áður, árið 1994 og segi ég við ykkur: "af ávöxtunum skulum við þekkja þá".

Ætlar að horfa á heimsendi í sjónvarpi

Minni alla FLokksmenn á þetta ...

Eftir því sem ég best veit, þá er mútuþægni refsiverð samkvæmt landslögum. En gott verður að sjá niðurstöðu þessa dóms þegar hann liggur fyrir, þá kemur í ljós hið rétta í málinu. En ég er þakklátur Guðlaugi Þór fyrir aðeins eitt, hann veitti mér innblásturinn af neðangreindri mynd þegar ég var að horfa á kosningarsjónvarpið 2009.

 

 

Hafðu þökk fyrir það Guðlaugur Þór, að veita mér þennan innblástur.

Svo má ekki gleyma þeirri glansmynd sem FLokkurinn hefur ætíð stillt upp af sér, og er þessi auglýsing frá flokknum ógleymanleg í sambandi við allar ásakanir um mútgreiðslur.

 

 

 

Stundum segja myndir fleiri en þúsund orð, svo einfalt er það.

 

Biðst ekki afsökunar

Hefur þú ekki efni á Eagles?

Þá vil ég benda á að það eru til ódýrari og mjög góðir tónleikar sem standa til boða.

Tónleikar til styrktar Kaffistofu Samhjálpar verða í Háskólabíó 19. mars nk. kl. 20.
Árið 2010 var haldin tónleikaröð á Kaffistofu Samhjálpar undir heitinu Fullt tungl.

Í hverjum mánuði komu fram listamenn sem gáfu vinnu sína og fluttu skjólstæðingum kaffistofunnar allt það besta sem þeir eiga í fórum sínum. Gleði og þakklæti viðstaddra var mikil, enda hafa margir þeirra ekki efni á að sækja tónleika að öllu jöfnu.

Þeir tónlistarmenn sem því gátu við komið, munu koma fram á tónleikunum í Háskólabíói, þeir eru:

• Blússveit Þollýjar,
• Ellen Kristjánsdóttir og Pétur Hallgríms.,
• Ferlegheit,
• Fjallabræður,
• Hjálmar,
• KK.
• Siggi Kafteinn,
• Sniglabandið,
• U.N.G.

Kynnir á tónleikunum er hinn bráðskemmtilegi og töfrandi Bjarni „töframaður“.

Miðasala fer fram á skrifstofu Samhjálpar að Stangarhyl 3 í Ártúnsholti, pöntunarsími 561 1000 og utan skrifstofutíma í s. 661 1720. Allir sem fram koma munu gefa vinnu sína.

Miðaverð aðeins krónur 2.900.

 

Uppselt í forsölu á Eagles

Líf og raunir hávaxins Íslendings

Misrétti í garð hávaxinna manna

Ég skal játa að ég lít niður á flest ykkar, kannski 99% lesenda minna, en er það ekki af ásettu ráði gert þar sem ég 194cm á hæð.

En mig langar aðeins að fjalla um það mikla misrétti sem við sem erum há í loftinu verðum fyrir. Hvernig?

• erfitt að finna föt sem passa
• erfitt að finna skó sem passa
• og jafnvel er erfitt að finna bíl sem passar
• það er alltaf óþægilegt að fara með flugi

Nú eru t.d. útsölur, og er ég frekar grannur hár maður. Það eitt að finna t.d. buxur sem eru grannar um mittið, og með langar skálmar er alveg meiriháttar mál! Því það virðist vera að það sé gert ráð fyrir því að menn af þessari stærðargráðu séu allir sem einn feitir! Sem er aldeilis ekki rétt.

Svo erum við stundum misnotaðir á marga vegu!
Hvernig?

• Það oftast nær hringt í okkur þegar á að mála loft.
• Við erum sjálfkrafa góðir í körfubolta og enginn spyr: "kanntu eitthvað í körfubolta"?
• Við fáum aldrei frið frá því að ná hlutum úr hillum.

Þetta eru aðeins örfá atriði af mörgum. Því það eru önnur sem enginn tekur til athugunar áður en við erum beðnir um slíka greiða. Ef við tökum örfá dæmi:

• Að fljúga með flugvél er það óþægilegasta sem maður veit um, það er ekki nokkuð leið að koma sér fyrir, ekki nema þú takir hnéhlífar með þér.
• Ég tala nú ekki um að reyna að fara á klósettið í flugvél, það er varla pláss fyrir okkur að sitja, og erum við nánast í fósturstellingunni ef við þyrftum að gera nr.2! Eins eru sumar vélar með svo stutt til lofts að við líkjumst hvað helst rækju ef við reynum að standa við þetta, og er hálf kómískt að segja frá því.
• Sumir bílar eru greinilega sniðnir fyrir japanska meðalmenn sem eru í mesta lagi 160cm á hæð! Og oftar en einu sinni hef ég verið með hnén nánast uppí framrúðunni.
• Það er aldrei hægt að láta sig hverfa í mannfjölda, hausinn stendur alltaf uppúr.
• Sum hús eru með ljósakrónurnar svo lágt niðri að við erum yfirleitt kominn með heilahristing ef við erum ekki vanir og meðvitaður um að beygja okkur undir þær.
• Maður rekur alltaf hausinn í göngubrýrnar á Miklubrautinni.

En hvað skal gera? Eigum við að stofna en einn hópinn á facebook? Eigum við ekki bara að fara eftir þeirri gullnu reglu að stærðin skipti ekki máli? Eða hvað?

Nei, látum samt í okkur heyra og pössum að það sé ekki vaðið yfir okkur himnalengjurnar á skítugum skónum! 

Það er til þingmaður með samvisku og hreint hjarta ...

 ... og sá þingmaður heitir Margrét Tryggvadóttir. Ég vil þakka henni kærlega að sýna þann manndóm og hugreki sem öðrum þingmönnum skortir. Af hverju? Fyrir örfáum dögum skrifaði afar góð vinkona mín opið bréf til ráðamanna, þar sem hún skoraði á ráðamenn að taka þátt í matarúthlutunum hjá einhverjum hjálparsamtökum. Viti menn, það var EINN þingmaður sem svaraði þessari áskorun, hún Margrét Tryggvadóttir. Hún ætlar sum sé að vera

Ég vil nota tækifærið og þakka henni kærlega fyrir viðbrögðin, og vil ég einnig nota tækifærið og benda á að þingkona sem er guðleysingi er að verða við þessari beiðni. Oft hefur trúfólk ásakað guðleysingja um slæmt siðferði, og í sumum tilfellum slegið eignarrétti á gott siðferði. Þessi þingkona hefur aldeilis afsannað það! Ég vona bara að þetta sanni fyrir okkur öllum (sérstaklega trúfólki eins og mér) að gott hjarta og að vera í tengslum við það sem er að gerast í landinu er stundum eina sem til þarf.

Guð blessi þig samt sem áður Margrét Tryggvadóttir, og tek ég ofan fyrir framtaki þínu.

*Uppfært - 1. des

Ég set inn frétt sem birtist í dag á pressunni. Í henni segir að þingkonan Margrét Tryggvadóttir hafi brugðist við áskoruninni.

Kosningar til stjórnlagaþings

Núna á laugardaginn verða haldnar sögulegar kosningar á Íslandi. Aldrei hefur verið kosið í persónukjöri og hef ég heyrt að ekkert land hefur haldið jafn veigamiklar og flóknar kosningar. Við sem þegnar þessa lands eigum dýrmætan rétt, og það er kosningarétturinn. Við verðum að nýta hann til þess að koma okkar eigin persónulegu sjónarmiðum á framfæri sem endurspeglast í niðurstöðum kosninganna að hverju sinni.

En í umræðunni hér um netheima, hefur hvað mest farið fyrir tvennu varðandi stjórnlagaþingið.

1. Aðskilnaður ríkis og kirkju.
2. Auðlindir þjóðarinnar.

Þessi tvö atriði eru mér mjög hugleikinn, og mun ég velja mér frambjóðendur á lista (sem ég gef ekki upp hverjir verða) sem samræmast hvað mest mínum eigin skoðunum, sem ég reyndar held að flestir geri.

Ég er nokkuð viss um að allir frambjóðendur til stjórnlagaþings séu í flestum tilfellum sammála um fyrsta atriðið sem ég tel upp. En það gegnir öðru máli um það síðara.

Ég ætla samt að nota tækifærið og kynna tvo frambjóðendur sem komu til viðtals hjá presti mínum, honum Friðrik Schram í þætti hans sem er sýndur á Omega; Um trúna og tilveruna. Um er að ræða Arnar Geir Kárason og Maríu Ágústsdóttur sem bæði eru frambjóðendur til stjórnlagaþings. Þátturinn verður frumsýndur annað kvöld kl. 20:00. Ég hvet alla þá sem hafa áhuga á trúmálum að horfa á þennan þátt.

Það er ömurlegt að vera íslendingur í dag!

Það er afar sárt að horfa uppá samfélag breytast í dag. Því svo virðist vera að fólk er farið að búa við ófyrirgefanlegar aðstæður, sem er virkilega farið að bitna á æsku þessa lands. Heilu bæjarfélögum eru að verða að leggjast í eyði og ekki er um mikla von að fá.

Reiði og heift hefur tekið völdin og það er ekki sama hver þú ert og hvað þú heitir lengur. Það eru ekki einu sinni hægt að styrkja hjálparstofnanir í góðverkum lengur, og er bókstaflega slegist um hvern einasta blóðmola. Langveik börn fá ekki lengur þann stuðning frá ríkinu sem þau eiga rétt á sem þegnar þessa lands, og eiga greinilega ekki sama rétt til lífs og aðrir.

Og svo les maður að þeir örfáu brauðmolar sem ríkisstjórnin hefur rétt okkur er varla snert á. Það kemur á óvart að þetta sé aðeins um 30-40 nýjar umsóknir sem þarna um ræðir, og ekki 100.000!

Er þetta sá arfur sem við viljum æsku þessa lands? Á meðan að fólkið sveltur velta fjölmiðlar fyrir sér hvort Jón Gnarr sé búinn að jafna sig eftir tattú sýkingu, og  margir guðleysingar eru að missa sig um hvort eigi að leyfa trúboð í skólum! Þetta eru meira að segja atriði sem ég sjálfur lít á að eigi að bíða seinni tíma. Það er hægt að leysa öll vandamál, ef hugurinn er til staðar. Og hefur hann greinilega ekki verið það hvorki hjá ráðamönnum borgarinnar né ríkisins.

En hvað er þá hægt að gera? Ég er með nokkrar hugmyndir sem myndu kannski koma atvinnulífinu af stað, en er það nóg? Þarf ekki einnig hugarfarsbreytingu? Þurfum við ekki að fara vakna af 2007 vímunni og fara hjálpa náunga okkar?

Það er nefnilega til lausn á hugarfarinu og fjárhagnum. Við leysum vanda hugarfarsins með einni einfaldri setningu: "elska skalt þú náunga þinn eins og sjálfan þig".  Við leysum stórann hluta fjárhagsvandans með því að horfa aðeins útá hafið, eins og forfeður okkar gerðu forðum, og byggðu þetta land upp á þeirri óþrjótandi auðlind. Það má byrja þar, og taka gullið úr höndum örfárra útvaldra og færa það aftur þjóðarinnar þar sem það á heima.

Ég bið fyrir umboðsmanni skuldara að henni megi gefast sú viska sem til þarf að aðstoða sem flesta. Ég vona að við getum breytt hugarfari okkar og festumst ekki í smáatriðum eins dæmin sanna í umræðunni í dag. Ég vona bara að ástandið fari að lagast svo við getum tekið gleði okkar á ný og sagt stolt "ég er íslendingur" án þess að lúta höfði og roðna eins ástandið er núna. Það eru betri tímar framundan, alveg er ég viss um það!

Guð blessi ykkur og þakka ég lesturinn.

Fleiri sækja um greiðsluaðlögun

Tvö langveik börn sem þurfa þína hjálp - kerfið brást þeim!

Ég vona að allir sem þetta lesa leggi sitt að mörkum þessum fjölskyldum til hjálpar, því neyðin er mikil og er um líf þessara barna að ræða. Sú fyrsta móðir sem ég ætla að fjalla um heitir Hildur Arnar, og má finna hennar sögu hér. Hér er smá úrdráttur um stöðu þessarar fjölskyldu:

Þær Gabríella Kamí og Anika Rós eru 8 og 10 ára systur sem fyrir 8 árum greindust báðar með sama sjúkdóminn þegar Anika Rós fæddist. Þegar greiningin var staðfest fékkst loksins svar við þeim veikindum sem Gabríella Kamí hafði frá fæðingu þurft að glíma við. Heilkennið sem þær greindust með er ekki algengur en 1 af hverjum 26.000 lifandi fæðingum í heiminum eru með það. Í kjölfari af því þurftu þær að leita til Boston, USA til þess að fá lækningu.
Í byrjun tók kerfið þátt í þeim kostnaði en seinustu 4 ár hefur kerfið ekki alveg stutt við bakið á fjölskyldunni og situr hún nú upp með stóran skuldarbagga á bakinu. Síðustu 14 ferðir til Bandaríkjanna hafa að mestu leyti verið á kostnað fjölskyldunnar. Í dag er um 15 milljónir í vanskilum hjá sjúkrahúsinu í Boston þar sem TR/SÍ neitaði að greiða reikninginn fyrir seinustu tveimur aðgerðum. Þar fyrir utan hefur fjölskyldan tekið lán fyrir rúmlega 10 milljónir til að fjármagna lyfjagjafir og meðferðir í Boston.

 

Einnig vil ég benda á styrktartónleika til styrktar þessara barna,  þeir verða haldnir að Ásbrú í Reykjanesbæ/Keflavík. Dagskráin er á þessa leið:

Þeir tónlistarmenn sem munu koma fram eru m.a.

Veðurguðirnir
Klassart
B.Ruff & Anna Hlín
Haffi Haff
Hobbitarnir
Prumpustrumpar
Addi Trúbardor

Miðaverð verður 2000 kr. og vona ég að sem flestir láti sjá sig

Hægt að kaupa miða í forsölu með því að senda póst á [e-mail]
en einnig verður tekið við greiðslukortum á tónleikunum

Gerum gott styrkjum gott málefni
http://systurnar.barnaland.is/
STYRKTAR REIKNINGUR TÓNLEIKANNA
1109-05-413003
kt:180783-5479

 

Önnur er kona að nafni Ragna Erlendsdóttir og berst fyrir langveiku barni sínu, og er hér smá úrdráttur um hennar sögu:

Ella Dís er 4 ára í dag og mikið veik og lömuð vegna sjálfofnæmissjukdoms .
Ella fæddist alheilbrigð og var þannig til 18 mánaða aldurs. þá byrjaði hún að veikjast ill og fljótt, einnig áttu læknarnir í miklum erfiðleikum að finna út hvað amaði að henni og var hún án réttar sjúkdómsgreiningar i langan tíma og fékk þar af leiðandi ekki rétta meðferð og lyf.

En saga Ellu er löng og erfið en i hnotskurn þurfti Ella að fara erlendis til USA Ísrael og Þýskalands til að fá læknishjálp og meðferð vegna sjúkdóms hennar og tók TR/SÍ engan þátt í þeim gríðarlegum kostnaði sem nemur nærri 56 milljónum ísl. króna og hef ég alveg þurft að reiða mig a goðvild almennings og fyrirtækja til að standa undir þessum kostnaði. Í dag er staðan sú að ég er með yfir 6 milljónir i skuld a bakinu og þarf að finna leið til að fjármagna meðferðir sem Ella þarf að fara í án aðstoðar ríkisins .

Stofnaður hefur verið hópur á facebook um Ellu dís.

Reiknings númer:0525-15-020106, kt:020106-3870.

 

Ég grát bið ykkur, um hvaða skoðun sem þið kunnið að hafa á mér eða trú minni, að leggja það til hliðar og styrkja þessar tvær fjölskyldur. Enda tengist þetta mér ekki eða trú minni á nokkurn hátt, og hef ég enga hagsmuni á að auglýsa þetta annað en að hjálpa þessum fjölskyldum.

Það tekur mig sárt að heyra og lesa sögur sem þessar, og get ég aldrei sett mig í þau spor sem þau eru í. Ef sú litla hjálp sem ég og þú getum veitt er í formi peninga, þá tek ég þátt þar sem kerfið brást þeim.

En ég tek fram, að ég hafði samband við þessar mæður að fyrra bragði, og er þetta allt gert með þeirra samþykki. Ég fékk þær meira að segja til þess að skrifa þessa stuttu úrdrætti hér ofar til þess að kynna sögu sína, og vona ég að allir leggist á eitt!! 

Hafa áhyggjur af þjónustu við langveik börn