Hann gekk svo langt að ráðist er á íslendinga í Bretlandi!

Svei þér Gordon Brown! Þú hefur afrekað miklu á örfáum dögum, og þá meina ég því hatri sem hefur kviknað gegn íslendingum sem búa í Bretlandi með gáleysislegum orðum þínum. Meira að segja er farið að selja haturs stuttermaboli gegn Íslandi á netinu. Þökk sé þér!

Var ekki nóg að slá seinasta naglann í líkkistu okkar hagkerfis? Nægði ekki að beita á okkur hryðjverkalögum og fara með okkur eins verstu Talíbana?

Sumir íslendingar verða nefnilega fyrir barðinu á kynþáttahatri vegna orða þinna herra Brown. Helga Guðrún sem býr í Nottingham hefur einmitt orðið fyrir slíku. Núna situr hún heima hjá sér með tvo lögreglubíla fyrir utan húsið hennar. Af hverju?

Hún segir í grein sinni:

Ég var rétt í þessu að ljúka samtali við lögregluna. Þeir ætla að vakta húsið okkar í nótt. Tvisvar í kvöld voru kölluð ókvæðisorð og hótanir til okkar og einhver kom alla leið upp að framdyrum til að sparka og brjóta tómar mjólkurflöskur sem ég var nýbúin að setja útfyrir.

Lögreglan hér tekur þetta álíka alvarlega og um hryðjuverkahótun væri að ræða. Ég held að engin Íslendingur á Íslandi geri sér grein fyrir ástandinu hérna í dag. Hatrinu á Íslendingum og öllu því sem íslenskt er.

 Svo lýsir hún þessu betur í athugasemdarkerfinu á blekpennum.com

Þetta er hreint skelfilegt og verður verra með hverjum fréttatíma. Að heyra að nágrannar mínir verði að borga þetta lúxuslíf örfárra Íslendinga og skólar, íþróttafélög og góðgerðarstofnanir hafi tapað öllu sínu til íslensku þotustrákanna er ólýsanlega sárt og erfitt að heyra.

Nú í þessum skrifuðu orðum eru tveir lögreglubílar parkeraðir fyrir framan húsið mitt svo öryggi okkar er vonandi tryggt í nótt.

Svona lagað á ENGINN að þurfa upplifa, og ætti aldrei að þurfa að leita til lögregluyfirvalda til þess að leita sér verndar af því þú ert af einhverju ákveðnu þjóðerni, í þessu tilfelli íslendingur!

Mér var réttilega bent á að hvetja íslendinga til þess að leggjast EKKI á svona lágkúrulegt plan, komum fram af tilskilinni virðingu við alla Breta og látum þá ekki gjalda þess að vera "vondir" vegna þjóðernis þeirra. "Auga fyrir auga, og tönn fyrir tönn" er ekki lengur við lýði. Sýnum þessari siðmenntuðu þjóð, hvor er siðmenntaðri.

Geir hin harði hafði rétt fyrir sér þegar hann segir í þessari viðtengdu frétt:

"Brown gekk allt of langt"

Bæn mín er hjá öllum íslendingum sem búa í Bretlandi þessa daganna, og vona ég að um einstakt tilfelli sé að ræða. En ég er bara þannig gerður að stundum er eitt tilfelli nóg! Skammastu þín Gordon Brown!!!

Brown gekk allt of langt

Athugasemdir

[Sigfús Axfjörð Sigfússon, 10.10.2008 kl. 22:44]

Já rétt há þér, við gerðum ekkert!

Mér er svo sem sama þá að Brán fari dán, en fyrir alla muni, gætum þess að liggja ekki á sam plan bretar!

[Guðsteinn Haukur Barkarson, 10.10.2008 kl. 22:46]

Mjög góður punktur Sigfús, ég bæti því við í greinina! Takk fyrir þessa ábendingu.

[halkatla, 10.10.2008 kl. 22:52]

Takk fyrir góð orð Guðsteinn Haukur, þetta svíður rosalega

[Guðsteinn Haukur Barkarson, 10.10.2008 kl. 22:55]

Já Anna Karen mín, það gerir það svo sannarlega. Þjóðarleiðtogar og menn í ábyrgðarstöðum verða virkilega að vera orðvarir, þar hefur Brown brugðist all hrapalega!

[Eiríkur Ingvar Ingvarsson, 10.10.2008 kl. 23:36]

Ég hef lýst þeirri skoðun minni að við eigum að senda bæði varðskipin á Bretland og aðra þyrluna.

Við eigum smá sök á en það réttlætir ekki ummæli Gordons

[Linda, 10.10.2008 kl. 23:38]

ég hef áhyggjur af íslendingum þarna úti, og velti því fyrir mér, hvað Brown hafi á milli eyrnana.  Svo velti ég mér líka fyrir því hvort fólki átti sig ekki almennilega á því að þegar það fjárfestir, þá er það altaf, altaf að taka áhættu.  Velur þú að fjárfesta, velur þú að standa undir góðum eða slæmum gróða.  Brits wake up.

[Guðsteinn Haukur Barkarson, 10.10.2008 kl. 23:49]

Eiki - hehehe ... þú ert ágætur!

Linda - tek undir hvert orð!

[Gústaf Níelsson, 10.10.2008 kl. 23:50]

Hr. Brown er Samfylkingarmaður í vanda. Hinir betri og góðgjarnari menn í hans eigin flokki, og aðrir, munu verða til þess að lesa honum pistilinn svo hann nái áttum. Hann velur að skjóta mús með fallbyssu. Það þykir sjálfsagt hreystilegra í Bretlandi.

[Guðsteinn Haukur Barkarson, 10.10.2008 kl. 23:52]

Gústaf - hvar hefur þú alið manninn! Gott að sjá þig á kreik á ný!

Hann velur að skjóta mús með fallbyssu.

Vel orðað!

[(IP-tala skráð) 11.10.2008 kl. 00:00]

Flott

[Guðsteinn Haukur Barkarson, 11.10.2008 kl. 00:02]

Sigurlaug Guðrún og fleiri nöfn ....   Takk.

[Brúnkolla (IP-tala skráð) 11.10.2008 kl. 01:30]

Ja svei ja svei!!  Nú verð ég súr í skapi!

Gordon Brown, það ætti að flengja þig   og hana nú!

eða Það finnst mér alla vega...

[Guðsteinn Haukur Barkarson, 11.10.2008 kl. 01:53]

Það þarf meira til held ég ... Skjalda mín. 

[Brynjar Jóhannsson, 11.10.2008 kl. 02:03]

Guðsteinn..

hann mun líklega missa djobbið út af þessu.. Íslendingar í englandi og viðar eru að svara fyrir sig með málefnalegum rökum sem þýðir það að það verður bensín fyrir stjórnarandstöðuna sem mun kveikja endanlega í politískum ferli hans...

Hann fékk LÍKA ÚTRÁSARLIÐIÐ GEGN SÉR ÚT AF ÞESSU

Ég spái því að hann verði að segja af sér...

Eins og ég hef áður sagt og segi enn.  

Við töpum kannski fyrir Bretum í fótbolta en við vinnum þá alltaf í stríðum.  

[Þórarinn Þ Gíslason (IP-tala skráð) 11.10.2008 kl. 08:43]

Sæll Guðsteinn.

Bendi þér hér með á grein mína " Gordon Brown has lost his crown,looking for a job as a clown in crimsby town!".

Látum hann vita af okkur innan velsæmismarka þó! HÓ!

[Sigurður Þórðarson, 11.10.2008 kl. 10:30]

"Brown is a clown"

[Rósa Aðalsteinsdóttir, 11.10.2008 kl. 11:30]

Sæll Guðsteinn litli bróðir minn.

Ég vona að þú sjáir ljós þó á móti blási í hinu veraldlega. Dásamlegt að vera Guðsbarn og geta leitað til hans bæði í gleði og sorg og í stormi eins og nú. Nú er lag, vona að þú skiljir mig.

Guð veri með þér og þínum í lífsins ólgusjó.

Baráttukveðjur/Guðskerlingin Rósa gamla systir þín.

[Guðsteinn Haukur Barkarson, 11.10.2008 kl. 11:41]

Brynjar - sammála! Fótboltinn er okur ofviða, en ekki þetta!

Þórarinn - ég lít á grein þína.

Siggi - hverju orði sannara!

Rósa -  ég skil þig og bíðum við eftir að þetta ödurót lægir, hver veit hvað Guð hefur ákveðið í þeim efnum.

[Ingvar Valgeirsson, 11.10.2008 kl. 16:48]

Gústaf, ekki líkja Brown við samfylkingarmann, hann er gamall kommúnisti, cardcarrying meðlimur í Marxistahreyfingunni.

Forvitnileg lesning:

http://andriki.is/default.asp?art=10102008

[Guðsteinn Haukur Barkarson, 11.10.2008 kl. 18:36]

Ingvar - hvað sem það kallast, kommi, marxisti eða samfylkingu ... gaurinn hefur gert sinn skaða.

[Linda, 11.10.2008 kl. 18:55]

Hæ Haukur frábært framtak, værir þú til í að lesa mína grein á blogginu mínu.

 kv.

http://vonin.blog.is/blog/vonin/entry/670406/

[Helga Guðrún Eiríksdóttir, 11.10.2008 kl. 19:28]

Takk fyrir góða grein, Haukur minn - og Linda, ég kommentaði hjá þér  spurningu til Mr Brown. Hann hlýtur að svara okkur, maðurinn...  Kurteisin er jú hans stórasti kostur, er það ekki?

[Guðsteinn Haukur Barkarson, 11.10.2008 kl. 21:40]

Takk Linda og Helga! 

[Guðbjörn Guðbjörnsson, 11.10.2008 kl. 21:51]

Góð grein Guðsteinn Haukur.

Já, virðing mín fyrir Bretum hefur nú aldrei verið mikil: drykkjurútar og "lágkúltúrlið" upp til hópa. "Little Britain" lýsti þeim vel og hló ég mig oft máttlausan þegar þeir þættir voru í sjónvarpinu. Það eina sem þeir gera virkilega vel er sjónvarpsefni.

Skítugt og ógeðslegt land, þar sem menningin kemst helst á flug á fótboltavellinum.

Ég verð bara að leggjast niður á sama plan og þeir - því miður, þeir eiga ekki annað skilið!

[Guðsteinn Haukur Barkarson, 11.10.2008 kl. 22:35]

Guðbjörn - Ég þakka athugasemdina, en ekki get ég tekið undir orð þín, því þeir eru mjög frambærilegir á mörgum sviðum öðrum en fótbolta, og væri mikil einfeldni að dæma þá út frá örfáum þáttum.

Við verðum að hafa í huga að við erum eins og er fyrir augum heimsins, og ef við ætlum að bjarga okkur útúr þessum vanda, þá mega ekki koma upp vandamál eins og Helga Guðrún er að lenda í.

Þú sérð sjálfur nú skaðann af mannorði Breta bara við eitt svona tilvik. Erum við ekki betri manneskjur en það, að þurfa að svara í sömu mynt?

Nei, kærleikurinn er sterkasta vopnið sem við höfum í hendi núna, og mæli ég með að nota það óspart.

[Guðsteinn Haukur Barkarson, 12.10.2008 kl. 00:00]

Ég vil samt þakka þeim fjölmörgu sem litu inn á bloggið mitt, því ég varla trúi heimsóknartölunum í dag!

Flettingar

• Í dag (11.10.): 2053
• Sl. sólarhring: 2089
• Sl. viku: 5689
• Frá upphafi: 349570

Annað

• Innlit í dag: 1262
• Innlit sl. viku: 3446
• Gestir í dag: 1190
• IP-tölur í dag: 1141

Fyrir mitt leyti er þetta persónulegt met, og er snortinn yfir þessum frábæru viðbrögðum fyrir mikilvægu máli.

[Halla Rut , 12.10.2008 kl. 19:28]

Merkilegt hvernig fáir menn geta rústað heilli þjóð.

[Guðsteinn Haukur Barkarson, 12.10.2008 kl. 20:50]

Einmitt Halla Rut! Úffff ....