Að hengja bakara fyrir smið ...

Samkvæmt þessari könnun þá komast Frjálslyndir og Framsókn ekki á blað. Ég gef mér þá að þeir séu í kringum 1% fylgi þar sem ekki er haft fyrir að setja þær tölur inn.

Það sem fólk virðist ekki átta sig á, er að Ólafur F. er ekki í Frjálslyndaflokknum .. og bíður hann afhroð vegna þess! Ólafur F. og Jakob Frímann eru báðir í Íslandshreyfingunni sem er ekki einu sinni getið um í þessari könnun! Hvað er þá er marka þessar tölur spyr sá sem ekki veit?

Ég setti þetta upp sem kökurit og sýnir það berlega stöðuna eins og hún er í dag:

Frjálslyndir ... við látum þetta ekki viðgangast er það?

Fylgi Sjálfstæðisflokks minnkar mikið í Reykjavík

Athugasemdir

[Ingvar Valgeirsson, 13.5.2008 kl. 20:42]

Ætli þeir sleppi ekki Íslandshreyfingunni vegna þess að hún hefur aldrei verið í framboði í borgarstjórnarkosningunum og hefur aldrei staðið til að hún væri það.

Ólafur F. situr fyrir hönd Frjálslyndra og óháðra - er það ekki?

[Nanna Katrín Kristjánsdóttir, 13.5.2008 kl. 20:56]

Ég efast um að það sé Ólafur F sem komi í veg fyrir að fólk kjósi Frjálslyndaflokkinn.  Hugsa frekar að það sé þjóðernissinninn, sem kemur í veg fyrir það. 

[Birna Dis Vilbertsdóttir (IP-tala skráð) 13.5.2008 kl. 21:32]

Ha? Ég hélt að Ólafur væri frjálslyndur.

[Theódór Norðkvist, 14.5.2008 kl. 11:23]

Ég hef sagt það áður og segi enn: Stjórnmál í dag eru farsi ef menn geta látið kjósa sig fyrir einn flokk og gengið í annan á miðju kjörtímabili jafn auðveldlega og það er að skipta um sokka, en samt setið fyrir upphaflega flokkinn. Lýðræðið er augljóslega ekki að virka og kjósendur hafðir að fíflum.

Annars er það helst um könnunina að segja að Sjálfstæðisflokkurinn er að eyða sér sjálfur, Frjálslyndir og Framsókn að hverfa og vinstri flokkarnir að styrkjast.

Vonandi er þetta vísir að þriggja flokka kerfi í borginni, sem er líklega það eina sem virkar. Ég held að borgarbúar hafi ekki efni á að gera aðra tilraun með 5-6 flokka kerfi, miðað við þá ringulreið sem hefur ríkt á kjörtímabilinu.