Aðgerðir strax!

Í útvarpinu í morgun var hvatt til þess að kaupa og kaupa áður en verðhækkanir ALLRA verslanna gengu í garð. Eftir svakalegt fall gjaldmiðils okkar þá verða allar innfluttar vörur dýrari. Nú er um að gera að halda að sér höndum og kaupa helst bara íslenskt, sleppa öllum munaðarvörum og sýna skynsemi í innkaupum.

En bensínverð er annar kapítuli, þar geta stjórnvöld komið til móts við okkur í formi skattabreytinga á bensíni. En auðvitað er slíkt fast í einhverri nefnd sem aldrei skilar af sér.

Það stendur í fréttinni:

„Fjármálaráðherra er með nefnd til að yfirfara gjaldtöku á eldsneyti og samræma hana milli einstakra eldsneytistegunda. Vonandi kemur niðurstaða út úr því áður en langt um líður.“

*Andvarp* ... þetta kallast á mannamáli: eilíft tal og engar aðgerðir! Sem reyndar einkennir besservesíranna hjá Sjálfsæðisflokknum.

Hagnast um 2,7 milljarða króna

Athugasemdir

[Guðsteinn Haukur Barkarson, 19.3.2008 kl. 09:04]

Einmitt Ragnar. Sammála þessu.

[Ólafur Guðmundsson, 19.3.2008 kl. 09:28]

Auðvitað hagnast almenningur þegar tekjur ríkissjóðs aukast um 2,7 milljarða. Þið verðið að athuga það að það eru ekki allir sem eyða bensíni og olíu í bíla. Sumir eru hagsýnir og ferðast ekki um á eyðslusömum einkabílum.

[Guðsteinn Haukur Barkarson, 19.3.2008 kl. 09:38]

Ólafur - ég er ekki alveg að ná punktinum hjá þér .. hvað vildir þú nákvæmlega segja með þessu? Auðvitað á að hvetja til minna noktunar eyðslufreka bíla, en athugaðu að íslendingar missa lappirnar við bílprófsaldurinn.

Og ríksisstjórnin getur vel gripið til aðgerða til þess að sporna við þessari þróun í formi skattalækkunar.

[Petur (IP-tala skráð) 19.3.2008 kl. 09:58]

‘Eg hélt að þú værir tíndur.

-Hef ekki séð þig, síðan síðast. hehe

-Bestu kveðjur

[Guðsteinn Haukur Barkarson, 19.3.2008 kl. 10:05]

Nei ég hef bara verið að drukkna í vinnu, en hef reyndar verið mjög duglegur á vísi ...   ;)

[Rósa Aðalsteinsdóttir, 19.3.2008 kl. 10:12]

Sæll Guðsteinn minn. Andvarp og aftur andvarp.

Ég fór til Egilsstaða í gær og notaði tækifærið og fór í Bónus og verslaði grimmt.  

Hvernig er með Sjálfsærisflokkinn og Skammfylkinguna. Voru ekki loforðin að við myndum hafa það svo gott, liggur við eins gott og Adam og Eva á meðan þau bjuggu í Aldingarðinum Eden.

Andvarp og aftur Andvarp

Kannski að ég fari að sækja um inngöngu í Frjálslyndaflokkinn.

Frjálslyndarbaráttukveðjur/Rósa

[Guðsteinn Haukur Barkarson, 19.3.2008 kl. 10:16]

Rósa - "ekki var Adam lengi í paradís" eins og sagt er.  Og ertu meira en velkominn í Frjálslynda flokkinn. Ég fer meira að segja kl. 16 í dag niður í Holtagarða og mun útdeila mat til þeirra sem minna mega sín. Og er þetta á vegum fjölskylduhjálparinnar. Neyðin er jú mikil rétt fyrir páska.

[Guðsteinn Haukur Barkarson, 19.3.2008 kl. 10:18]

Meira um fjölskylduhjálpina hér.

[Rósa Aðalsteinsdóttir, 19.3.2008 kl. 11:57]

Sæll Guðsteinn.

Rétt er það að Adam bjó ekki lengi í Paradís og við þar af leiðandi ekki heldur. Yndislegt starf að hjálpa þeim sem minna mega sín. Hvar eru stjórnvöld? Mér finnst að ráðamenn þjóðarinnar ættu að hjálpa þessu fólki. Skömm þegar bæði Mæðrastyrksnefnd og Fjölskylduhjálpin var lokað frá því rétt fyrir jól og lengst fram í janúar. Upplýsingar komu í athugasemdum til bloggvinar okkar að það væri vegna þess að þessi félög væru í leiguskuld við Reykjavíkurborg. Ef þetta er rétt þá er nú dálítið mikið að og þá var læknir borgarstjóri.    

Aðgerðir:

Það er hægt t.d. með því að laga félagskerfið í þessu landi sem er mjög götótt t.d. miðað við Svíþjóð. 

Það er hægt með því að hjálpa öryrkjum og öldruðum sem ég upplifi að sé óþarfa fólk. Það er bara mín persónulega reynsla gagnvart stjórnvöldum. Ég er öryrki og hef verið að basla í námi. Hef fengið t.d námsstyrk frá Öryrkjabandalaginu og lenti í því að borga eftiráskatta vegna þess. Í Finnlandi á meðan atvinnuleysi var hvað mest þá var fólk hvatt til að fara í skóla af stjórnvöldum og þau fengu að halda sínum atvinnuleysisbætur samt sem áður. Finnska þjóðin menntaðist mjög hratt miðað við aðrar Norðurlandaþjóðir og nú eru ráðamenn þjóðarinnar að uppskera fyrir gáfulega ákvörðun. Þvílíkt gæfuspor. Fólk í Finnlandi hefur greinilega beðið Guð um að gefa ráðamönnum þjóðarinnar visku og hafa verið bænheyrð. Ég hef margsinnis beðið Guð um að gefa ráðamönnum þjóðar minnar visku en ég hef ekki verið bænheyrð ennþá en ég vona og ég vona.

Drottinn mun snúa við högum okkar. Við munum uppskera eins og við sáðum. við höfum beðið og við verðum bænheyrð.

"Varpið allri áhyggju yðar á hann, því að hann ber umhyggju fyrir yður." 1. Pét. 5.-7. 

"Varpa áhyggjum þínum á Drottin, hann mun bera umhyggju fyrir þér, hann mun eigi að eilífu láta réttlátan mann verða valtan á fótum." Sálmur 55: 23.

"Á hagkvæmri tíð bænheyrði ég þig, og á hjálpræðis degi hjálpaði ég þér." 2. Kor. 6: 2a.

Orð til Guðsteins þar sem hann er að fara að hjálpa þeim sem minna mega sín.

"Ver þú hughraustur og öruggur? Lát eigi hugfallast og óttast eigi, því að Drottinn Guð þinn er með þér í öllu, sem þú tekur þér fyrir hendur."

Baráttukveðjur fyrir réttlætinu.

[Linda, 19.3.2008 kl. 13:11]

Dollarinn hefur leiðrétt sig gagnvart krónunni, hún hefur verið of sterk, þetta vitum við vel.  það virðast allir vera búnir að gleyma því að þegar dollarinn féll niður úr öllu valdi þá voru ótal fyrirtæki sem töpuðu gífurlegum peningum, öll fyrirtæki, þetta olli frekari hækkunum líka, það er sama þó að efnahagurinn er i sókn eða frjálsu falli, þá bitnar það alltaf á almúganum.  Hagnaður fyrirtækja í útflutningi á eftir að vera rosalegur það mun koma á jafnvægi aftur, svo framarlega sem fólk fari ekki í pannik hlaupaskóna  Varðandi bensín þá mun það ekki batna, nema að ríkistjórnin skerist í leikinn, sumarið fram undan og þá hækkar það alltaf. 

Smá pæling ef BNA fór í stríð við Íraq vegna olíu, hví hafa þeir ekki drekkt markaðnum með mun ódýrari olíu, hví er gallonið af bensíni komið í 4.00$, hmmmmm ekki er allt alveg eins og það á að vera

 ég vænti ekki svars við "smá pælingu".

Knús í krús

frá "ekki hagfræðingi" sem neitar að falla í gryfju svartsýnis og bölspá

[Nanna Katrín Kristjánsdóttir, 19.3.2008 kl. 13:12]

KOMA SVO!!
 
Mótmæling gegn bensínverði, fimmtudaginn 3 apríl kl 16:00 fyrir utan
Alþingishúsið!!!

LÁTA BERAST...!!!

[Jóhanna Magnúsar- og Völudóttir , 19.3.2008 kl. 13:17]

GLEÐILEGA PÁSKA Guðsteinn OG FJÖLSKYLDA, maðurinn minn ætlaði einmitt að vera í Fjölskylduhjálpinni í dag - en þegar hann kemur heim stefnum við beint í sveitina.... ég er bara í heima ,,charity" að passa lasinn dótturson. "Give a little love and it all comes back to you!"  

Það er óskandi að Frjálslyndum takist að stuðla að fjölskylduvænna þjóðfélagi.

Nanna - taka þetta Parísarstæl!

[Guðsteinn Haukur Barkarson, 19.3.2008 kl. 14:33]

Rósa - glæsilegt innlegg og góðar tillögur, takk fyrir það!

Linda - já, það vantar jákvæðni í þetta hjá mér sem þú reyndar kemur með.

Nanna - kemst ekki, verð í góðgerðarstarfi. En hefði komið ef svo væri ekki.

Jóhanna - takk fyrir það og sömuleiðis, og tek ég undir orð þín.