Hefur þú ekki efni á Eagles?

Þá vil ég benda á að það eru til ódýrari og mjög góðir tónleikar sem standa til boða.

Tónleikar til styrktar Kaffistofu Samhjálpar verða í Háskólabíó 19. mars nk. kl. 20.
Árið 2010 var haldin tónleikaröð á Kaffistofu Samhjálpar undir heitinu Fullt tungl.

Í hverjum mánuði komu fram listamenn sem gáfu vinnu sína og fluttu skjólstæðingum kaffistofunnar allt það besta sem þeir eiga í fórum sínum. Gleði og þakklæti viðstaddra var mikil, enda hafa margir þeirra ekki efni á að sækja tónleika að öllu jöfnu.

Þeir tónlistarmenn sem því gátu við komið, munu koma fram á tónleikunum í Háskólabíói, þeir eru:

• Blússveit Þollýjar,
• Ellen Kristjánsdóttir og Pétur Hallgríms.,
• Ferlegheit,
• Fjallabræður,
• Hjálmar,
• KK.
• Siggi Kafteinn,
• Sniglabandið,
• U.N.G.

Kynnir á tónleikunum er hinn bráðskemmtilegi og töfrandi Bjarni „töframaður“.

Miðasala fer fram á skrifstofu Samhjálpar að Stangarhyl 3 í Ártúnsholti, pöntunarsími 561 1000 og utan skrifstofutíma í s. 661 1720. Allir sem fram koma munu gefa vinnu sína.

Miðaverð aðeins krónur 2.900.

 

Uppselt í forsölu á Eagles

Athugasemdir

[Ásthildur Cesil Þórðardóttir, 17.3.2011 kl. 16:40]

Meira spennandi en Eagles. og mörgum sinnum ódýrara. 

[Ragnheiður , 17.3.2011 kl. 16:42]

Flottir listamenn í boði og flottir tónleikar :)

[Guðsteinn Haukur Barkarson, 17.3.2011 kl. 17:00]

Þið eruð flottar Ragheiður og Ásthildur!

[Theódór Norðkvist, 17.3.2011 kl. 17:22]

Þetta eru áhugaverðir tónleikar, Haukur. Ég var einmitt að velta því fyrir mér hvort Eagles tónleikarnir væru fimmtán þúsund króna virði. Kemst að vísu því miður ekki á laugardaginn, verð upptekinn þessa helgi.  

Margir af þessum köppum sem hafa verið að lengur en þú hefur lifað (og ég m.a.s. í nokkrum tilvikum!) eru búnir að missa röddina, maður hefur séð það á farsímaupptökum á nýlegum tónleikum þeirra á YouTube.

Ákvað að nota peninginn frekar í hugbúnað og annað efni fyrir mitt persónulega píanónám. Vantar ekki píanista í Kristskirkju?

[Guðsteinn Haukur Barkarson, 17.3.2011 kl. 17:44]

Það er ætíð þörf á góðu fólki Teddi, annars get ég ekki svarað fyrir kirkjuna með píanista! En Eagles eru svo sem ágætir, en ég sjálfur vil frekar fara á þessa tónleika!  :)

[Gunnar Th. Gunnarsson, 18.3.2011 kl. 00:53]

Mig langar mjög mikið á Eagles, en miððaverðið er ekkert annað en móðgun. Frekar fer ég í ferðalag.

[Guðsteinn Haukur Barkarson, 18.3.2011 kl. 08:34]

Þetta er hrikalegt verð Gunnar! Þess vegna bendi ég á aðra kosti.  :)

[Guðrún Emilía Guðnadóttir, 18.3.2011 kl. 09:17]

Ég mundi hiklaust koma í Háskólabíó ef ég væri nær ykkur, en ég bý á Húsavík. Það sem er að gerast þarna er afar þarft það eru bara ekki svo margir sem slikja það.

Góða skemmtun á laugardaginn það verður örugglega góð orka þar ofurtunglið  og þið sem tónleikana sækja.

Kveðja

[Guðsteinn Haukur Barkarson, 18.3.2011 kl. 09:47]

Þín verður saknað Guðrún, ég þakka góða athugasemd!  :)

[doctore (IP-tala skráð) 18.3.2011 kl. 12:19]

Nenni ekki á Eagles og ekki heldur hitt... er þó búinn að gefa þessu samhjálpar gengi einhverja aura... Tímdi því ekki en ákvað samt að gefa, svona just in case að það væri endalaust líf í lúxus í verðlaun eftir dauðann ;)

[Guðrún Emilía Guðnadóttir, 18.3.2011 kl. 12:29]

Æi, Doctore þú ert svo skemmtilega kaldhæðin á stundum, trúir ekki á Guð, en værir alveg til í endalaust líf í lúxus eftir dauðann.

Þú kætir mig er þú ert stilltur.

Takk fyrir mig

[Guðsteinn Haukur Barkarson, 18.3.2011 kl. 12:59]

Dokksi - veistu að ég er reglulega glaður að lesa orð þín, og sannar það að það er smá týra í myrkinu hjá þér. Vel gert Dokksi minn.

Guðrún - oft er ég ósammála Dokksi, en þessu sinni get ég lítið sagt og tek undir orð þín!  :)

[Jóhanna Magnúsdóttir, 19.3.2011 kl. 00:41]

Þú ert svo mikið ljóssins barn - það er yndislegt að fylgjast með þér.

[Guðsteinn Haukur Barkarson, 19.3.2011 kl. 12:28]

Takk Jóhanna, Guð blessi þig líka og varðveiti.