Ég veit nákvæmlega ekkert hvað á að kjósa!

Ég er í þvílíkum vandræðum! Ég veit nákvæmlega ekkert hvað á að kjósa! Framsókn og SjálfstæðisFLokkurinn koma ekki til greina í mínu tilfelli, allt hitt stendur eftir og veit ég ekkert hvað á að velja!  

En svona í gamni þá setti ég saman þessa mynd af apaköttunum sem bera einhverja ábyrgð á ástandinu. 

 

En í fullri alvöru, ég veit nákvæmlega ekkert hvað ég ætla að kjósa á í dag!  ... hjálp!  

Athugasemdir

[Óskar Helgi Helgason (IP-tala skráð) 25.4.2009 kl. 00:13]

Heill og sæll; Guðsteinn minn, líka sem þið önnur - hver geyma hans síðu, og brúka !

Guðsteinn Haukur ! Allt; frá öndverðu þeirra Guðjóns Arnars, hefi ég fylgt þeim sjóhundum- og bændanna hliðhollu þungavigtarsveit, og mun gera; meðan þeir standa báðum fótum, á íslenzkum grunni.

Trúi því vart; að þú velkist í vafa, hvar FF vilja; af einbeittni, halda Íslandi og hagsmunum þess, utan ESB skrifræðisins, kæri spjallvinur.

Með; hinum beztu kveðjum, úr Árnesþingi /

Óskar Helgi Helgason

[Flower, 25.4.2009 kl. 00:19]

Úff skil hvernig þér líður, er að hugsa það sama og langar jafnvel til að varpa þessu algjörlega frá mér með að mæta ekki á kjörstað en veit líka að mér verður sagt að það megi ekki. En maður á rétt á sinni sannfæringu hvort sem öðrum finnst hún röng eða ekki.

[Magnús Þór Hafsteinsson, 25.4.2009 kl. 00:22]

Settu x við F. Við náum svo vopnum okkar þó síðar verði. Þetta er allt bara byrjunin að einhverju stærra. Við höfum náð botninum. Kosturinn við það er að þá fáum við viðspyrnu til að sparka okkur til yfirborðsins. ;-)

[Guðsteinn Haukur Barkarson, 25.4.2009 kl. 00:24]

Óskar Helgi - ég sé til.

Flower - nýttu nú kosningarétt þinn! Hann er afar dýrmætur. Annars er maður að samþykkja ástandið, það er að minnsta kosti mín skoðun. No pressure.

[Guðsteinn Haukur Barkarson, 25.4.2009 kl. 00:26]

Magnús - einu get ég lofað þér, þú hefur ekki séð það síðasta af mér. Ég útskýri það síðar undir fjögur augu.

[Hans Haraldsson (IP-tala skráð) 25.4.2009 kl. 00:30]

Í Guðs bænum (sem þú hreyfa þig líklega frekar en guðanna bænir) ekki Samfylkinguna!

[Guðsteinn Haukur Barkarson, 25.4.2009 kl. 00:38]

(sem þú hreyfa þig líklega frekar en guðanna bænir)

Ég er ekki alveg að ná hvað þú meinar Hans ...

[Linda, 25.4.2009 kl. 00:59]

er semsagt sammála...dææææææææææææææææææææs

[Hilmar Gunnlaugsson, 25.4.2009 kl. 01:27]

Þar sem þú vilt ekki kjósa Sjálfstæðisflokkinn mæli ég með Borgarahreyfingunni. Ég hugleiddi lengi vel að kjósa hana sjálfur.

[Hans Haraldsson (IP-tala skráð) 25.4.2009 kl. 01:28]

Af blogghausnum ræð ég það að þú sért líklega frekar eingyðistrúar en fjölgyðis.

[Guðsteinn Haukur Barkarson, 25.4.2009 kl. 01:34]

Linda - já ........................ 

Hilmar - hver veit ... en ég er barasta ekki viss, mér finnst skorta á stefnu hjá þeim greyjunum.

Hans - jú, það passar, en ég er samt ekki að skilja þig ....

[Rósa Aðalsteinsdóttir, 25.4.2009 kl. 02:07]

Sæll og blessaður

Ég er í sömu vandræðum og þú. Hef ekki gert upp hug minn. Ég fer allavega á kjörstað og kannski kýs ég Auðalistann.

Guð veri með þér og þínum.

Kær kveðja/Rósa

[Þór Jóhannesson, 25.4.2009 kl. 02:20]

Réttlætið er þar sem því hefur verið ögrað en það ekki látið freistast kæri Guðsteinn ... http://www.dv.is/frettir/2009/4/24/vinstri-graenir-afthokkudu-milljonastyrki/

X - V er niðurstaða mín. Lifðu annars heil og fylgdu hjartanu.

[Jón Valur Jensson, 25.4.2009 kl. 03:21]

Guðsbænir hreyfa þig frekar en "guðanna bænir", Haukur, og lifðu svo eins og blóm í eggi.

Endilega kjóstu ekki Borgarahreyfinguna. Eftir að hafa horft í nótt á forystumannafundinn (var á tónleikumum kvöldið) er ég aftur viss um, að í þetta sinn kjósi ég Frjálslynda (en ég var farinn að efast aftur í gær eftir ófullnægjandi fréttir af ummælum Guðjóns Arnars). Er þó enn í Sjálfstæðisflokknum, og þarna sérðu nú sauðtryggð mína! En sjálfstæðismál þjóðarinnar skipta mig mestu í pólitíkinni.

[Haukur Nikulásson, 25.4.2009 kl. 08:11]

Ég skil ólund þína í þessu efni. Það er ekkert gott val að þessu sinni og synd að maður hafi ekki mínusatkvæði til að greiða Sjálfstæðisflokknum.

Svona rétt áður en ég fer í kjörklefann er það Borgarahreyfingin. Það verður að senda skýr skilaboð.

[Valgeir Matthías Pálsson (IP-tala skráð) 25.4.2009 kl. 08:58]

Sæll Guðsteinn Haukur.

Kjóstu bara eftir bestu samfæringu. Það er það lang besta. En ég veit hvað ég ætla að kjósa og það nægir mér.

Góðar kveðjur í kjör klefann.

[Heiða B. Heiðars, 25.4.2009 kl. 10:03]

Borgarahreyfinguna minn kæri ;) Það vantar ekkert upp á stefnuna hjá okkur... við sjáum bara ekki ástæðu til að örfáar hræður á alþingi taki ALLAR ákvarðanir fyrir fólkið í landinu

[Guðsteinn Haukur Barkarson, 25.4.2009 kl. 10:07]

Rósa - autt? Æ,æ, nei ekki gera það!

Þór - VG kemur vel til greina.

Jón Valur - Guðsbænir hreyfa þig frekar en "guðanna bænir" Heyr heyr, og vel orðað! Ég veit ekki ennþá með FF, spillingin þar innanborðs á eftir að koma á yfirborðið á eftir kosningar, og verður fólk ekki hrifið. Þar á meðal ég, er ekki viss um að ég hafi samvisku í það.

Nafni Nikulásson - "og synd að maður hafi ekki mínusatkvæði til að greiða Sjálfstæðisflokknum." Vá hvað ég er sammála þér það, en mig minnir samt að þú hafi verið Sjálfstæðismaður, en hefur greinilega séð villu vegar þinnar! Glæsilegt nafni! Ég tek orð þín til greina.

Valgeir Matthías - hárrétt hjá þér!!

[Guðsteinn Haukur Barkarson, 25.4.2009 kl. 10:08]

Heiða - jú við sjáum til ef ég skoða hug minn betur, útiloka ekki neitt!

[Jón Valur Jensson, 25.4.2009 kl. 11:36]

Rasaðu nú ekki um ráð fram, Haukur minn.

En segðu mér: Í hvaða kjördæmi ertu?

[Hrannar Baldursson, 25.4.2009 kl. 11:43]

Ég mæli með að þú kjósir eftir því sem þú telur þjóðinni mikilvægast.

[Guðsteinn Haukur Barkarson, 25.4.2009 kl. 12:19]

Jón Valur, ég er í Reykjavík Norður. En vittu til, það verða uppgjör á þáttaskil í FF eftir kosningar, það þarf að gera ýmislegt upp.

Hrannar - vel mælt!

[halkatla, 25.4.2009 kl. 12:45]

má ég leiðrétta þig vinur, bara VG og Borgarahreyfingin koma til greina, í þessari röð og auðvitað Ástþór!

[Guðsteinn Haukur Barkarson, 25.4.2009 kl. 12:55]

Auðvitað Anna Karen, samála því, er að kynna mér þetta allt saman.

[Jón Valur Jensson, 25.4.2009 kl. 13:14]

Sæll aftur, Haukur, þú losnar ekki við mig!

Þegar ég kom á Útvarp Sögu í gær að flytja þar mitt vikulega föstudags-erindi (kl. 12.40), mætti ég séra Karli Matthíassyni, efsta manni F-lista í Reykjavík norður, en hann var þá að flytja þar tölu sjálfur.

Meðal annarra orða sagði mér og í áheyrn annarra, að hann væri alveg laus við að hafa þegð nokkra styrki frá fyrirtækjum í sínum prófkjörum (hann var kosinn á þing fyrir Samfylkingu vorið 2007 og áður). Einu styrkirnir til hans hefðu komið frá þremur vinum hans, 420.000 krónur.

Hann lagði einnig áherzlu þar og í erindinu á það að halda í heiðri kristin gildi á Alþingi. Þetta þykir mér góð afstaða. Og ég hvet þá samflokksmenn mína í Sjálfstæðisflokknum, sem eru að hugsa um að skila auðu, að krossa þá frekar við Karl, Sturlu hinn ráðsnjalla, Kolbrúnu, Guðjón Arnar eða aðra frambjóðendur Frjálslynda flokksins. Ef atkvæðið er hvort sem er dautt (eins og auðu atkvæðin eru), væri nær að gefa það flokki, sem saklaus er af öllum stjórnarstörfum í ríkisstjórn, – jafnvel þótt viðkomandi frambjóðandi næði ekki inn, væri þetta yfirlýsing í sjálfu sér, en nái Guðjón inn (fekk 9,3% í Gallupkönnun í NV-kjördæmi fyrir helgina, sem á að nægja til þingsætis), gæti hann tekið eitthvað af hinu fólkinu inn með sér líka, þegar og ef þau ca. 29%, sem ÆTLA AÐ KJÓSA, en hafa ekki gefið upp afstöðu sína í skoðanakönnunum, velja Frjálslynda flokkinn í meira mæli en aðra flokka. Eini afgerandi fullveldissinnaði flokkurinn má ekki falla út af þingi.

Og ég enda á því að endurtaka þetta í upræðu á vef mínum í dag:

Frjálslyndi flokkurinn hefur þetta einna helzt að mínu mati umfram hina flokkana:

1) Hann er laus við þá himinháu spillingarstyrki, sem þrír af Fjórflokknum hafa þegið, bæði til sjálfra sín og menn þar í prófkjörum.

2) Afstaða flokksins er einna einörðust allra flokka gegn innlimun okkar í Evrópubandalagið, og það er mikilvægasta málið sem nú er um að tefla, þótt efnahagsmálin séu sannarlega risavaxið verkefni.

Góða ferð á kjörstað! – og við sjáumst aftur hér á blogginu.

[Ragnheiður Arna Magnúsdóttir (IP-tala skráð) 25.4.2009 kl. 13:44]

Ég ætla að kjósa XO......nýtt og ferskt fólk inn!

[Evreka (IP-tala skráð) 25.4.2009 kl. 13:45]

Valið hefur aldrei verið einfaldara - og aldrei verið mikilvægara.

Segja skilið við fortíðina - kjósa framtíðina.

Kjósa aðild að Evrópusambandinu!

Kjósa Samfylkinguna!

[Guðsteinn Haukur Barkarson, 25.4.2009 kl. 14:11]

Jón Valur:

Sæll aftur, Haukur, þú losnar ekki við mig! 

Ég kvarta ekki undan því, enda ertu góður vinur!

En ég hef lesið rökin þín og sé til. Það verður endurreisn eftir kosningar innan FF, ef ég fæ einherju breytt þ.e.a.s.

Ragga - XO er eins og ferskur andblær.  :)

Evreka - ekkert ESB takk, en ég er samt hrifinn af því að geta kosið um aðild seinna meir, það mega XS menn eiga.

[Jón Valur Jensson, 25.4.2009 kl. 14:53]

Það sama á við eftir kosningar innan Sjálfstæðisflokksins, ef ég fæ einherju breytt þ.e.a.s.! – Og þakka þér góð orð, kæri Haukur.

[Ásthildur Cesil Þórðardóttir, 25.4.2009 kl. 19:00]

Guðsteinn minn. Við verðum bara að kjósa eftir eigin sannfæringu. Það getur í rauninni enginn sagt okkur hvað við eigum að velja.  En gangi þér vel og vertu sáttur við það sem þú velur. 

[ET (IP-tala skráð) 25.4.2009 kl. 21:07]

Hvernig heldur þú að Guðsteinn afi þinn hefði kosið núna?

[Guðsteinn Haukur Barkarson, 25.4.2009 kl. 23:50]

Jón Valur - nákvæmlega.

Ásthildur - takk!

ET - Guðsteinn afi heitinn var framsóknarmaður í húð og hár, en hann hefði sennilega aldrei haft samvisku í að kjósa þá í dag vegna þess sem undan er gengið. Sjáðu til, ég er MJÖG líkur honum, bæði í útliti sem og andlega.

[Rósa Aðalsteinsdóttir, 26.4.2009 kl. 00:09]

Eheheheh

Hvað hefði Hermann Jónasson kosið í dag?