Hér er uppskriftin af heilu pundi

Uppskriftin er eftirfarandi og framleiðir hún eitt pund:

1 bolli hveiti
1/2 tsk lyftiduft
1/8 tsk matarsódi
1/2 tsk salt
1/2 bolli valhnetur
1/3 bolli smjör
1 bolli púðursykur
1 egg
1 msk vanillusykur
2/3 bolli suðusúkkulaði

Egg og sykur eru þeytt vel saman. Smjörið er brætt og kælt ofurlítið. Þurrefnum er bætt út í eggjasnafsinn og hrært varlega í. Þegar öllu hefur verið blandað í er deigið sett í smurt mót og bakað við 180°C í 20 til 25 mín.

Látið kökuna kólna og skerið hana síðan í ferninga sirka 7 x 7 cm.

Mér fannst þetta svo klikkað að nokkur maður skuli stinga upp á upptöku pundsins, að ég setti inn þessa uppskrift sem gerir ca. eitt pund af "Brownies", svona til heiðurs "íslandsvininum" Gordon Browns!

Hér er svo mynd sem ég teiknaði af honum þegar hann setti hryðjuverkalögin á okkur:

 

Það er alveg merkilegt hvað fólk getur verið bilað! Gordon Brown(ies) getur átt sitt pund í friði! Við skulum að minnsta kosti sýna þá skynsemi að ávaxta pund okkar annarsstaðar en hjá Bretum. Sheeeesh !!!

Ísland ætti að taka upp breska pundið

Athugasemdir

[Mama G, 16.2.2009 kl. 12:34]

Hehe

Held ég taki mig bara til og baki þessa uppskrift fyrir næsta föstudagskaffi hérna í vinnunni.

[Rósa Aðalsteinsdóttir, 16.2.2009 kl. 12:36]

Sæll Guðsteinn minn

Þú bakar nokkrar kökur og hefur með þér þegar þú ferð sem Sendiherra til Bretlands að kenna Bretum að matreiða hvalkjöt. 

Geggjuð mynd af Gordon Brown.

Ef þarf að skipta um mynt þá vel ég Kanadíska mynt.

Skilaboð á stjórnborði from me.

Vertu Guði falinn

Kær kveðja/Rósa

[Sævar Einarsson, 16.2.2009 kl. 14:14]

Vill benda á færslu frá mér hérna

[Offari, 16.2.2009 kl. 15:56]

Áttu ekki líka uppskrift af Evruni?

[Guðsteinn Haukur Barkarson, 16.2.2009 kl. 16:14]

Sævar - ég kíki á það.

Offari - jú, látið €veruna malla í €vrópu í nokkur ár í viðbót, bætið svo við nokkru kryddi og smakkist með áhöldum úr búsáhaldabyltingunni, sjáum þá hvort hún sé eftir okkar smekk.

[Guðsteinn Haukur Barkarson, 16.2.2009 kl. 16:17]

Mama G - þessi uppskrift er frá Jóa Fel, og láttu mig vita hvernig hún smakkast.

Rósa - ég er alveg til í Kanada dollar, einu ókosturinn er að einn $ hjá þeim er kallaður "loony", það er nefnilega andartegund sem er sleginn á aðra hlið hennar sem heitir það.  Láttu mig vita það, ég er alinn upp í Kanada.

[Valgeir Matthías Pálsson (IP-tala skráð) 17.2.2009 kl. 00:24]

Hana NÚ. Hafðu það sem best vinur.

[Birna Dis Vilbertsdóttir (IP-tala skráð) 17.2.2009 kl. 07:40]

[Bryndís Böðvarsdóttir, 17.2.2009 kl. 23:09]

Ég er að sjá að þetta er allt önnur uppskrift en sú sem ég er vön að baka (fullt af eggjum í minni en ekkert lyftiduft eða matarsódi). Getum við því hvorug mælt með þessari uppskrift (ef einhver skildi hafa verið að pæla í að baka þetta). En það sama á nú sjálfsagt við um breska pundið.

Þessa uppskrift hefurðu líklega fundið á netinu svona til gamans fyrir greinina.

[Gylfi Gylfason (IP-tala skráð) 19.2.2009 kl. 13:24]

hahahaha, heyrðu,  komdu svo næst með uppskriftina að barceque sósunni frá Kentucky Fried.  Hún er svo góð að ég gæti hugsanlega borðað svið ef þeim yrði dýft í hana 

[Guðsteinn Haukur Barkarson, 19.2.2009 kl. 15:01]

Hver veit nema ég grafi það upp kæri Sáli! 

Bryndís -

Valgeir Mattías og Birna - Guð blessi ykkur og þakka ég innlitið.