Ég fer uppá Kerlingu í fyrramálið

Eins einkennilega og það hljómar, þá hefur kona mín veitt mér góðfúslegt leyfi til þess að fara uppá kerlingu. Þessi kerling er reyndar 1538 metra há, og er ég nokkuð viss að ég ráði við hana, þrátt fyrir gífurlegan stærðarmun!

Hér er ljósmynd (sem ég er ekki með mynd af í veskinu) af kerlingunni sem ég ætla uppá:

 

 

 

 

Ég er skráður í Ferðafélag Akureyrar og fer ásamt stjúp-tengdaföður mínum á þetta fagra fjalllendi og hef ávalt haft einstakt gaman af svona ferðum.

Til gamans má nefna er fjall sem er mun smærra í sniðum ekki langt frá og heitir það Karl, og hver veit nema ég fari einnig uppá þann Karl í framtíðinni! 

Einnig mun ég eftir fremsta megni að tína ber, en ég þó er ekki frjálslyndari en svo að ég mun tína aðalbláber og það í fötum, þ.e.a.s. ef ég finn stað sem ég má tína þau. 

Ég verð því fjarverandi í nokkra daga á meðan ég er norðan heiða.

 

Guð blessi ykkur á meðan.

Athugasemdir

[Jenný Anna Baldursdóttir, 15.8.2008 kl. 09:26]

GH þó

[Guðsteinn Haukur Barkarson, 15.8.2008 kl. 09:29]

Jenný Anna -

[Mofi, 15.8.2008 kl. 09:40]

Gangi þér vel með kerlu 

[Rósa Aðalsteinsdóttir, 15.8.2008 kl. 10:54]

Sæll Guðsteinn minn.

Gangi þé vel að tjónka við Kerlinguna. Kannski að ég fari að þjálfa mig og fari með þér í fjallgöngu uppá Karl.   (Glætan)

Megi almáttugur Guð varðveita þig.

Kær kveðja/Rósa

[Jón Magnússon, 15.8.2008 kl. 11:35]

Gangi þér vel. Þú verður greinilega í góðum félagsskap í viðureigninni við þessa drottningu Eyfirskra fjalla. Ég gekk á Kerlingu fyrir nokkrum árum og sé ekki eftir því en mikið varð ég feginn þegar ég var komin niður fjallið úr þeirri svaðilför sem ég lenti í þeirri viðureign.  Þannig að gangi þér vel og njóttu ferðarinnar og vonandi færðu gott útsýni af tindinum.

[Flower, 15.8.2008 kl. 13:13]

Af hverju ekki annað kvöld?

[Sigurbjörn Friðriksson, 15.8.2008 kl. 16:35]

Fyrr má nú vera Venusarhæð!  Ekki detta!

Kær kveðja, Björn bóndi  J

[Ásgerður Jóna Flosadóttir, 15.8.2008 kl. 17:37]

Gangi þér vel og komdu heill heim aftur.

Með kveðju,

[Sigurður Sigurðsson, 15.8.2008 kl. 18:00]

Þið framsóknarmennirnir eruð allir meira og minna að fara upp á kerlingar, eigin og almennar.

En máttu ekki, sem Mormóni, eiga fleiri en eina kerlingu?

[Haraldur Davíðsson, 15.8.2008 kl. 18:05]

Hún er nú svolítið stórskorin þessi, en sinn er hver smekkurinn...

[Ásdís Sigurðardóttir, 15.8.2008 kl. 18:09]

Góða ferð og góða skemmtun. Ekki trúi ég að nein kona neiti karli sínum um uppáferð á svoddan maddömmu.    

[Fjóla Æ., 15.8.2008 kl. 19:14]

Góða skemmtun og passaðu þig bara á því að borða ekki of mikið af bláberjunum í einu. Já og farðu varlega.

[Rósa Aðalsteinsdóttir, 15.8.2008 kl. 19:38]

Hæ og hó.

Guðsteinn er hvorki Framsóknarmaður eða Mormóni.

Margur heldur mig sig.

Guðs blessun og góða helgi.

Kær kveðja/Rósa

[DoctorE (IP-tala skráð) 15.8.2008 kl. 20:39]

Hugsanlega lendir þú í femínistum... helst þyrfti að umskíra þetta fjall og banna að ganga/traðka á því ;)

Have fun!

[Sólveig Þóra Jónsdóttir, 15.8.2008 kl. 21:24]

Góða skemmtun og eins og við segjum alltaf á heimilinu ef einhver er á förum eitthvað "farðu varlega".

[DoctorE (IP-tala skráð) 15.8.2008 kl. 22:00]

Óþarfi að fara varlega þegar da lord er með í för ;)

[Ása (IP-tala skráð) 15.8.2008 kl. 22:26]

Vá - gangi þér vel - þetta verður afrek!!
Og örugglega stórkostlegt tækifæri til að njóta sköpunarverks meistarans!
Frábært hjá þér!!!

[Gunnar Skúli Ármannsson, 15.8.2008 kl. 22:32]

Sjáið tindinn þarna fór ég....

flottur, gangi þér vel

kk 

[Brjánn Guðjónsson, 15.8.2008 kl. 22:37]

fátt betra en að byrja daginn á að fara upp á kerlingu. vona að glíman verði ljúf

[www.zordis.com, 15.8.2008 kl. 22:58]

Mundu að taka myndir af þessu afreki!  Góða ferð vinur!

[Auður (IP-tala skráð) 16.8.2008 kl. 00:35]

NJÓTTU - góða ferð!!

[egvania, 16.8.2008 kl. 08:52]

Guðsteinn gangi þér vel með Kerlinguna.

Svo er líka Kerahnjúkur og Arnfinnur á Tröllaskaganum en þeir eru karlkyns kannski ekki spennandi fyrir þig  og ulla bara Guðsteinn og gangi þér vel í viðureigninni við Kerlinguna.

Kveðja Ásgerður  

[Gunnar Páll Gunnarsson, 17.8.2008 kl. 08:17]

Góða ferð og njóttu útsýnisins. Passaðu þig á að ekki detta ofan í einhverja "glufuna" kjá kerlu.

[Sigurlaug B. Gröndal, 17.8.2008 kl. 11:58]

Kæri vin, gangi þér vel ferðin. Þessi "klerling" er með þeim tignarlegri sem sjást. Hafðu góða ferð og njóttu útsýnissins.

[Jón Steinar Ragnarsson, 17.8.2008 kl. 16:37]

Ef þú finnur steintöflur þarna uppi með einhverju pári á, þá láttu þær eiga sig. Það er komin slæm reynsla af því að bera slíkt niður á jafnsléttu.

[Rósa Aðalsteinsdóttir, 17.8.2008 kl. 19:20]

Sæl öll.

Jón Steinar vinur minn er í stuði með Guði og í botni með Drottni.

Dýrð sé Guði.

Shalom/Rósa

[Guðsteinn Haukur Barkarson, 18.8.2008 kl. 13:05]

Vá, ég átti ekki vona á svona viðbrögðum! Ég fer bara hjá mér!

En þetta gekk allt saman og get ég varla hreyft mig verkjum! En ég set inn myndiur sem tengdapabbi tók, þegar upp var komið.

Takk allir, og lét ég það eiga sig að rita á steintöflur, því þær sem voru ritaðar áður duga ágætlega.