Í dag er fyrirbænardagurinn

Ég sá þetta auglýst hjá honum Þórarni bloggvini mínum og félaga, og mátti til með að auglýsa jafn þarfan hlut, hann útskýrir tilgang þessa fyrirbænardags mjög vel á blogginu sínu, og er óþarfi fyrir mig að endurtaka það, nánar hér.

Notum nú tækifærið og biðjum fyrir náunga okkar og nágranna, sama hver hann/hún er og hvaða trú viðkomandi aðhyllist. Ef ekki fyrir okkur sjálf heldur samfélagsins vegna, því eins og ástandið hefur verið undanfarið er ekki vanþörf á þessu góða átaki.

En af mér er það að frétta að ég loksins búinn í sumarfríi og kominn aftur í vinnu. Ég hef ekki bloggað undanfarið einfaldlega vegna þess að ég vildi eiga mér smá líf í sumarfríinu, því oft þegar ég geri færslur þá þarf mikla vinnu og orku til þess að sinna þeim. En mikið var þetta kærkomið frí, og er ég nýr maður eftir þetta allt! Mér tókst meira að segja að brenna af mér vömbina og er orðinn aftur eins og ég var hérna í gamla daga. Það er miklum göngum, hjólreiðum og sundi að þakka! Rúm 10 kíló eru fokinn og líður mér miklu betur fyrir vikið, og reyndar lít betur út. 

Athugasemdir

[Birna M, 24.7.2008 kl. 11:05]

Mér finnst bara ekki veita af að biðja rösklega fyrir stjórnvöldum, ekki bara þetta venjulega málamyndavæl sem við heyrum alltaf. Heldur að það sé tekið almennilega á, við erum að missa allt frá okkur vegna þess að við biðjum ekki nægilega vel fyrir þessu. Ég bið en hverju áorka ég ein ef enginn finnur þörf fyrir að standa almennilega vörð um landið sem Guð gaf okkur. Þið fáið ekki af því þér biðjið ekki sagði Jesús og þannig er það núna.

Hjartanlega til hamimgju með kílóin, það er svo sannarlega gott að losna við þau.

[Ásgerður Jóna Flosadóttir, 24.7.2008 kl. 11:11]

Tek heilshugar undir orð þín Guðsteinn með fyrirbænardaginn.

[Guðsteinn Haukur Barkarson, 24.7.2008 kl. 12:14]

Birna M. - Sammála! Og takk fyrir innlitið.

Ásgerður - takk fyrir það!

[Rósa Aðalsteinsdóttir, 24.7.2008 kl. 13:02]

Sæll litli bróðir.

Mikið er ég búin að sakna þín mikið. Frábært frí og nú á að þræla nokkrar vikur fyrir sæluna miklu.

Þú ert ekki lengi að hrista af þér 10 kíló. Ég spyr nú bara hvar voru þau. Sá engin aukakíló í júní sl.

Starfsfólk Lindarinnar stendur sig vel og ekki veitir nú af að biðja fyrir sökkvandi skipi sem er því miður stjórnlaust.

Eins þurfum við að biðja fyrir náunga okkar og ég vil minna á Paul Ramses sem við því miður fréttum ekkert af. Hvers vegna ekki?

Megi Guð almáttugur miskunni þessari voluð  þjóð.

Guð blessi þig litli bróðir og velkominn út úr bloggfrískápnum.

Kær kveðja/Rósa

[DoctorE (IP-tala skráð) 24.7.2008 kl. 13:53]

En krakkar mínir... þið eruð að ákveða að gera ekki neitt.
Þið gætuð meira að segja gert illt verra ef maður tekur mið af rannsókn sem var gerð á virkni fyrirbæna.... reyndar var munurinn svo lítill að það var ómarktækt... but still, fólk sem fékk fyrirbænir gekk verr eftir skurðaðgerðir.

Mér fannst bara að ég yrði að nefna þetta, no hard feelings or nuthing.

[Flower, 24.7.2008 kl. 13:56]

Gaman að sjá þig á blogginu aftur Haukur.

[Jóhanna Magnúsar- og Völudóttir , 24.7.2008 kl. 14:07]

DoctoE, ... við erum ekki að leita að sönnunum, við höfum þegar fundið það sem við leitum að - en haltu endilega áfram að gramsa og kannski finnur þú eitthvað sem gefur lífi þínu gildi ..  .. þú ert alltaf sama krúttið.  

Það er gott að hugsa til náungans, hvort sem það er í bæn eða bara að taka frá tíma til að hugsa til hans. Ekki gera lítið úr því sem öðrum þykir mikilvægt.

[Guðsteinn Haukur Barkarson, 24.7.2008 kl. 15:00]

Rósa - eins og allir karlmenn þá fóru þessi kíló á vömbina, en ég kann greinilega að klæða þetta af mér og tóku ekki margir eftir þessu. En ég styð þetta átak Lindarinnar heilshugar, og finnst þetta gott framtak.

Dokksi - sannaðu þá fyrir mér að bænin virki ekki.

Flower -

Jóhanna -  Ekki gera lítið úr því sem öðrum þykir mikilvægt.

Amen.

[DoctorE (IP-tala skráð) 24.7.2008 kl. 15:08]

Ég bendi á rannsókn hér
http://doctore.blog.is/blog/doctore/entry/599233/

[Guðsteinn Haukur Barkarson, 24.7.2008 kl. 15:49]

Þessi rannsókn þín er alveg eins þú og þín ímyndaða persóna Dokksi, fullyrðing um hluti sem þú veist lítið um. Ég sé nákvæmlega engar "sönnunarbyrgði" í þessari rannsókn, heldur aðeins bergmál af þínum skoðunum, og sömuleiðis virðingarleysi þitt við skoðanir annarra. 

Af hverju má ég ekki halda að bænin hjálpi og geri góða hluti? Hvað nákvæmlega kemur þér það við? Er ég að segja þér hvernig þú átt að haga lífi þínu? Nei, ég tala ekki skipunartóni eins og þú hefur alltaf gert þegar þú gagnrýnir trúarbrögð. Horfðu þér nær Dokksi, því þú átt varla efni á því að gagnrýna.

[Birna Dis Vilbertsdóttir (IP-tala skráð) 24.7.2008 kl. 18:46]

Velkominn aftur.Flott að hafa fyrirbænadag

[Kristinn Theódórsson, 24.7.2008 kl. 20:26]

Bestu gaman-greiningu sem ég hef séð á virkni bæna er að finna hér:

http://russellsteapot.com/images/comics/2007/Image090.jpg

Textinn í síðasta rammanum er gargandi snilld.

Megi bænir ykkar allra svo virka sem best.

mbk,

[Bumba, 24.7.2008 kl. 22:54]

Gott að sjá þig aftur Guðsteinn minn Haukur. Tek þátt í bænadeginum með ykkur, hann ætti að vera á hverjum degi allt árið. Með beztu kveðju.

[Þórarinn Þ Gíslason (IP-tala skráð) 24.7.2008 kl. 23:10]

Sæll Guðsteinn minn.

Já, ef að við förum nú í það að virkja fimmtudagana í að biðja fyrir náunganum og landi og þjóð., ásamt þeim sem fyrst komu með þessa hugmynd, sem var starfsfólk Lindarinnar.

Svo legg ég til að við finnum 1 dag fyrir  Doktor E og biðjum vel fyrir honum., mér heyrist hann grátbiðja um það.

Lifið öll í Guðs friði.

[Guðsteinn Haukur Barkarson, 24.7.2008 kl. 23:25]

Guðlaug - já, Dokksi er ... sérstakur.

Birna - nákvæmlega! 

Andrés - hehehe ... einmitt!!! 

Kristinn - eins og sagt er á ensku: "I fail to see the humor in it", þá á ég við þessa teiknimyndasögu sem þú vísaðir í. 

Bumba - sammála hverju orði! 

Þórarinn - jú það veitir ekki af að biðja fyrir Dokksa!

[Kristinn Theódórsson, 24.7.2008 kl. 23:32]

Guðsteinn
eins og sagt er á ensku: "I fail to see the humor in it", þá á ég við þessa teiknimyndasögu sem þú vísaðir í.

Ha! Þetta er ógeðslega skemmtileg setning "the very edge of statistical significance".

Menn verða nú að hafa smá húmor fyrir trúnni líka :)

En, ég veit, það eru ekki allir með sama húmorinn, ekkert mál.

mbk, 

[Guðsteinn Haukur Barkarson, 24.7.2008 kl. 23:39]

hehehe ... satt er það Kristinn ... ... ekki eru öll lömbin eins í hjörðinni.  Það væri ömurlegt!

[DoctorE (IP-tala skráð) 24.7.2008 kl. 23:53]

Hey ég er bara að ræða þessi mál, fá botn í þau.
Ég hef sama rétt á þessu og þið að segja öfugt, rannsóknin var alveg legal.
Ef guð er til þá myndi hann vilja að sköpunarverkið hugsaði.. stæði á eigin fótum.. svona make him proud rétt eins og hvert annað foreldri.
Enginn guð myndi vilja vol og væl... látið ekki biblíuna skekkja sýn ykkar krakkar mínir.

[Guðsteinn Haukur Barkarson, 25.7.2008 kl. 00:01]

Enginn guð myndi vilja vol og væl... látið ekki biblíuna skekkja sýn ykkar krakkar mínir.

Sér þetta enginn annar en ég? Dokksi, hysjaðu upp um þig manndóminn og reyndu einu sinni að virða annarra manna skoðanir. 

Andrés - gleymdu þessu, Dokksi virðist meinheftur fyrir venjulegum rökum. En takk samt.

[DoctorE (IP-tala skráð) 25.7.2008 kl. 00:10]

Það á að challenga skoðanir og þá allra mest skoðanir sem eru algerlega órökstuddar.

Mín skoðun er að trúaðir gera mjög lítið úr guði sínum, mér finnst þeir gera hann svo lítin að það getur ekki verið neitt annað en guðlast.
Þið eruð búin að draga hann niður á plan ógnvænlegs keisara aftan úr fornöld.
Ég bara verð að benda ykkur á þessa hluti, hugsið utan bókarinnar. 
Bókin hefur verið í smíðum í aldaraðir AF MÖNNUM, mönnum sem hafa gífurlega persónulega HAGSMUNI af því að þið gerið X en ekki Y.
Ef það voru einhver upprunaleg skilaboð í bókinni þá eru þau löngu köfnuð í kroti kufla... þetta verðið þið að horfast í augu við, þetta hlýtur hvaða maður sem vil sjá að gera sér grein fyrir.

[Valsól (IP-tala skráð) 25.7.2008 kl. 06:36]

Heyr heyr Doctore, líka gaman að sjá þessa rannsókn, gerir það að verkum að maður veit ekki hvernig maður á að taka svona bænum fólks. Auðvitað vonar maður að maðurinn finnist, það er engin spurning, en ef guð er til þá hefur hann nú ekki mikið verið að skipta sér af hörmung sem mannfólkið hefur oft þurft að ganga í gegn um hvort sem einhver liggur á bæn eða ekki. Alla vega skrýtið hvernig vondir hlutir gerast fyrir gott fólk og svo öfugt og hvernig börn verða oft fyrir hræðilegum hlutum.

[Guðsteinn Haukur Barkarson, 25.7.2008 kl. 08:26]

Jamms, þið tveir kumpánar geta verið sammála ykkar á milli. En þessi rannsókn sannaði ekkert nema á mennskum mælikvarða, og gera þeir sömu mistök sem mannsskepnan hefur gert í gegnum tíðina, það er að reyna reikna og sanna Guð sé til. Slíkt finnur maður í hjarta sér, og ekki í gegnum köld vísindaleg fræði.

[DoctorE (IP-tala skráð) 25.7.2008 kl. 08:57]

Comon Guðsteinn, that does not compute.
Svo eru vísindi & fræði HOT

[Guðsteinn Haukur Barkarson, 25.7.2008 kl. 09:22]

Hot? hmmm ... mig langar ekki að vita meira um þín "kick" Dokksi! Jiikkkk ...

En allavegna, þá geta vísindin aldrei afsannað tilvist Guðs, eða sannað hann. Það er mergur málsins, þess vegna gef ég skít í svona "rannsóknir".

[DoctorE (IP-tala skráð) 25.7.2008 kl. 09:41]

Þannig að ef ég segi að það sé til 100 metra há kanína á vatnajökli og menn geta ekki sannað að ég hafi rangt fyrir mér: Bang kanínan er til.

Þannig ganga bara kaupin ekki fyrir sig á eyrinni, ég veit líka að inni í þér ertu mér samþykkur, þú vilt bara ekki viðurkenna það.
Ég er samt vongóður með að þú gerir það á einhverjum tímapunkti :)

[Guðsteinn Haukur Barkarson, 25.7.2008 kl. 09:44]

hehehehe ... sagt er á ensku Dokksi, og er ég ekki vanur að nota svona talsmáta: "Hell will freaze over before that happens!"

[DoctorE (IP-tala skráð) 25.7.2008 kl. 11:09]

Gefðu manni fisk og hann verður mettur, gefðu honum trú og hann deyr úr hungri við að biðja um fisk.

[Jón Ragnarsson, 25.7.2008 kl. 11:31]

Bænir eru sniðugar, maður þarf ekki einu sinni að fara út úr húsi til að fá þessa "ég er góður, ég hjálpa" tilfinningu. Getur meira að segja gert þetta meðan maður er í sturtu.