Varnarliðssamningar ...

Ég rændi þessari frétt af vísi, og er mjög ánægður með Steingrím J. núna. Svona ákvarðanir á ekki að taka nema sátt sé um, og þarf að bera undir fleiri en nokkra ráðherra.

Í fréttinni segir:

Ný ríkisstjórn getur ógilt varnarsamninginn við Noreg án skaða

Ný ríkisstjórn getur fallið frá samningi Íslands og Noregs um samstarf í varnar- og öryggismálum án mikils skaða að sögn Steingríms J. Sigfússonar, formanns Vinstri grænna. Hann hefur boðað harðorða bókun gegn samninginum í utanríkismálanefnd Alþingis.

„Ný stjórnvöld geta aftengt þetta mál ef svo sýnist án mikils skaða," sagði Steingrímur J. Sigfússon, formaður Vinstri grænna, í samtali við Vísi.„Þetta samkomulag er ekki þjóðréttarlega bindandi plagg þó vissulega séu gefin í því fyrirheit og vilyrði sem menn myndu telja að gætu verið bindandi."

Steingrímur segist vera bundinn trúnaði varðandi innihalds samningsins en hann var kynntur fyrir utanríkismálanefnd Alþingis í gær. Hann hefur boðað harorða bókun gegn samninginum um leið og trúnaðinum verður aflétt eftir undirritun á morgun. „Ég er ósammála því að þetta sé meðhöndlað sem ríkisleyndarmál. Það væri heiðarlegra að málin væru kynnt fyrir þjóðinni áður en allt er um garð gengið."
 

Gott hjá Denna, hann tók upp hanskann fyrir okkur sem viljum hafa áhrif. 

Athugasemdir

[Þarfagreinir, 25.4.2007 kl. 15:36]

Já ... undarlegt þetta leynimakk, og af hverju í dauðanum er svona nauðsynlegt að rjúka til og gera varnarsamstarfssamninga?

Ég var líka að sjá í Mogganum í dag að Ísland þarf  að bera kostnað af heræfingum Norðmanna og Dana hérlendis! Hér er enn og aftur ástæða til að spyrja að tilgangnum. Hví að borga fyrir herbrölt útlendinga sem við fáum nákvæmlega ekkert út úr?

[Guðsteinn Haukur Barkarson, 25.4.2007 kl. 15:44]

Það sem mér finnst atyglisverðast er að gamli "kominn" kom upp um miðstýringuna í þessu. hehehehe ... gott hjá Skalla Popparanum !

[Guðsteinn Haukur Barkarson, 25.4.2007 kl. 15:50]

"Komminn" átti þetta nú að vera ...