Minnumst þess hvað FLokkurinn gerði fyrir okkur ...

Myndir segja stundum meira en þúsund orð. Sú fyrsta er úr kosningunum fyrir hrun:

Þessi "trausta efnahagsstjórn" hefur skilað okkur hverju?

 

Hér er svo lógóið sem ég hannaði rétt fyrir kosningar, eftir að hafa heyrt Guðlaug Þór afsaka sig. Ég minni á að þeir eru ekki ennþá búnir að skila/endurgreiða umrædda styrki/mútur sem þeir fengu. Bjarni Ben sagði að það yrði gengið frá því rétt eftir kosningar, síðan hefur ekkert heyrst úr herbúðum þeirra. Þeir vilja sjálfsagt fara 2007 leiðina og þegja þetta í hel, eins og hefur tíðkast hjá Íslenskum stjórnmálamönnum í áratugi!

Ég vona bara að fólk átti sig á því að grasið er ekki alltaf grænna hinu megin. Munið þið þá ekki hver það sem upphaflega samdi um Icesave? Hefði sá þrælasamningur gengið eftir þá væri þjóð okkar líklega orðinn breks/hollensk nýlenda? Nei ég bara spyr!

Nei, gleymum ekki hverjum var bolað burt með pottum og pönnum á Austurvelli, núverandi ríkisstjórn er slæm - en sjálfgræðismenn þurfa mun lengra frí.

Það er ennþá fullt af kúlulánafólki innan þeirra raða, og á meðan flokkur þessi stendur vörð um stærsta mannréttindabroti sem komið hefur fyrir landsmenn, þ.e.a.s. kvótakerfið, þjónar hann engum nema framapoturum hjá sjálfum sér, og hyglar aðeins eigin flokksmönnum með gjafakvóta. Sem heitir eiginhagsmunagæsla og græðgi!

Ég veit að ég er ferlegur hræsnari að birta þessa grein og predika svo um betri samskipti milli manna. En staðreyndirnar tala sínu máli, og má valdagræðgi Sjálfgræðismanna ekki aftur ná tökum á Íslenskri þjóð, nógu mikið erum við búinn að vinna á daginn og grilla á kvöldin, sá tími er liðinn, og kominn tími á hugarfarsbreytingu.

Ég bið ykkur kæru landsmenn, að hugsa ykkur betur um!

Sjálfstæðisflokkurinn eykur fylgi sitt verulega

Athugasemdir

[Carl Jóhann Granz, 28.2.2010 kl. 21:52]

Ég segi eins og þú. Það kom í ljós að "grasið var ekki grænna hinu megin".

Kominn tími á að segja skilið við vinstri vitleysuna á ný.

[Eiríkur Ingvar Ingvarsson, 28.2.2010 kl. 22:12]

Sem áður hefur þú frelsi til að hafa rangt við og setja ranga hluti á blogg. Og er það Mbl sem veitir þér frelsi til að hafa rangt við og birta...kaldhæðnislegt.

Efnislega er varla hægt að fara yfir þetta. Ef þetta væri heimildaritgerð í 6 bekk væri hún lituð rauð af kennaranum hvort sem hann værir hægri maður eða til vinstri.

Hver varð það sem samdi um fyrsta samninginn....það eru bara 2 og báðir eign vg og samfó. Bara svona sem dæmi.

Það er aðeins vinur sem til vambsins segir bróðir. Það er fólk sem hlustar á þig og lítur upp til þín. Því er þetta illskiljanlegt. Þú mátt tala illa um XD, allt sem þú getur en ekki hafa rangt við.

love brother.

[Guðsteinn Haukur Barkarson, 28.2.2010 kl. 22:44]

Carl - ég sammála því að þessi ríkisstjórn er slæm, en sú fyrri var verri!

Eiki - rökstyddu mál þitt, það er afar leiðingjarnt að koma með ásakanir án þess að rökstyðja þær.

Þú segir:

Sem áður hefur þú frelsi til að hafa rangt við og setja ranga hluti á blogg. Og er það Mbl sem veitir þér frelsi til að hafa rangt við og birta...kaldhæðnislegt.

Og hvar hef ég gert það áður minn kæri?

Þú segir:

Hver varð það sem samdi um fyrsta samninginn....það eru bara 2 og báðir eign vg og samfó. Bara svona sem dæmi.

RANGT! Þinn FLokkur gerði samning sem varð að leiðrétta vegna þess að hann var mun VERRI en sá sem er nú (og nógu er hann slæmur), og var sá samningur þegar undirritaður í des-jan. 2008, kannaðu betur heimildir þínar áður en þú ferð með fleipur.

Skurðgoðadýrkun er ekki Guði að skapi Eiki minn. XD er enginn Guð.

Sá er vinur til vams segir.

[Guðsteinn Haukur Barkarson, 28.2.2010 kl. 22:56]

Samkvæmt Forsætisráðuneytinu voru menn búnir að semja, þetta er tekið af vef forsætisráðuneytisins:

11.10.2008

Að loknum uppbyggilegum viðræðum hafa hollensk og íslensk stjórnvöld náð samkomulagi um lausn mála hollenskra eigenda innstæðna á IceSave-reikningum Landsbankans.

Fjármálaráðherra Hollands, Wouter J. Bos, og fjármálaráðherra Íslands, Árni M. Mathiesen, tilkynntu þetta.

Ráðherrarnir fagna því að lausn hafi fundist á málinu. Wouter J. Bos kvaðst einkum ánægður með að staða hollenskra innstæðueigenda væri nú skýr. Árni M. Mathiesen bætti við að aðalatriðið væri að málið væri nú leyst.

Samkomulagið kveður á um að íslenska ríkið muni bæta hverjum og einum hollenskum innstæðueiganda innstæður að hámarksfjárhæð 20.887 evrur. Hollenska ríkisstjórnin mun veita Íslandi lán til að standa undir þessum greiðslum og hollenski seðlabankinn mun annast afgreiðslu krafna innstæðueigendanna.

Þetta er 11. okt. 2008, minn kæri - hver fer þá með rangt mál?

[Óskar Arnórsson, 28.2.2010 kl. 23:31]

Pólitík er mannskemmandi...

[Eiríkur Ingvar Ingvarsson, 28.2.2010 kl. 23:50]

Það er munur á samkomulagi og lagabindandi samning....

Þar sem þú ert lagstur í heimildavinnu...fáðu skjalið og lestu það....það væri spennandi að sjá þig blogga um frumgögn...ekki afbakanir núverandi ríkistjórnar. Hvet til að allar málsgreinar séu skoðaðar og lagatexti hjálagður. Síðan væri spennandi að sjá þig birta Memorandum of understanding...

Sem ítrarefni er greinagerð Ingibjargar frá 18 dec mikilvæg ef þú vilt ekki gögn Geirs...

Fáðu frumgögn, það hjálpar.

[Óskar Arnórsson, 1.3.2010 kl. 00:09]

"Memorandum of understanding" Það þarf ekki frumgögn til að hafa skoðun á einhverju..

[Ólafur Ingi Hrólfsson, 1.3.2010 kl. 01:30]

Magnað að les blogg eftir sæmilega vitiborið fólk sem heldur því enn fram að Sjálfstæðisflokkur og Samfylking hafi sett heimskreppuna af stað - reyndar talar Samfylkingarfólk eins og Samfylkingin hafi alls ekkert verið í stjórninni -

Málið er að þrátt fyrir gífurleg völd þeirrar stjórnar þá setti hún kreppuna ekki af stað - hún setti ekki Lehmannsbanka á hausinn ( sem setti svo bankahrunsskriðuna af stað ) - bandaríkjaforseti sagði - þetta hófst með því að húsnæðiskaupendur í Florida gátu ekki staðið í skilum og lauk með efnahagshruni á Íslandi -

Það þarf gífurlega yfirgripsmikla vanþekkingu til þess að komast að þeirri niðurstöðu að íslenskur/íslenskir stjórnmálaflokkur/ar hafi sett þetta allt af stað.

[Jón Steinar Ragnarsson, 1.3.2010 kl. 03:58]

Guðsteinn: Ekki ætla ég að mæra sjálfstæðisflokkin né raunar nokkurn af þessum ólukkans fjórflokki, en það er rangt hjá þér að sjálfstæðismenn hafi gert samning.  Þetta sem þú nefnir eru tillögur frá bretum og hollendingum í miðr katastróofunni. Aldrei var dreginn upp samningur, né formlegar viðræður fóru fram, hvað þá að þetta hafi nokkurntíman komið inn fyrir þröskuldinn á alþingi.

Ég skal ekki fullyrða að þú hafir rangt við eða sért vísvitandi að fara með ósannindi eins og íjað er að hér að ofan, en hrópleg er vanþekking þín. 

Mundu svo að það voru tveir flokkar við stjórn á þessum tíma. Annar var sekur um að stinga öllum viðvörunum undir stól, heilu ári fyrir hrun og það var nú hún Solla stirða, sem sá óstudd um það. Sama glæpahyski er við völd enn, svo það skal engan undra að ánægjuvogin hafi ekki risið við stjórnarskipti.

[Jón Steinar Ragnarsson, 1.3.2010 kl. 04:01]

Samfylkingin er annars stærsti vandi þessarar þjóðar. Önnur eins ógn hefur aldrei staðið að fullveldi og sjálfstæði þessarar þjóðar. Við skulum svo ekki gleyma í hverra boði sá ófögnuður er. Þessi lógó sem þú setur þarna ættu miklu frekar heima í þeirra nafni og Bónusgrísinn mætti vera fyrsti stafurinn þar.

[Guðsteinn Haukur Barkarson, 1.3.2010 kl. 07:23]

Óskar - sammála!

Eiki - þetta "samkomulag" varð til þess að Icesave samningurinn varð til. Og endliega bentu mér á þessi frumgögn, vísaðu í heimmildir og sannaðu að ég fari með rangt mál í stað þessara úthrópanna.

Jón Steinar - þetta er þó málefnalegt hjá þér, og virðurkenni ég fúslega að ég get verið fljótfær, en þessi drög að samkomulagi sem ég vísa til urðu greinilega bindandi í þessum viðræðum. Það er morgunljóst þar sem afar lítið breyttist eftir að samninganefndir tóku til starfa.

Annars er ég sammála þér með Samspillinguna, hún er mein sem verður að skera af þessari þjóð.

[Carl Jóhann Granz, 1.3.2010 kl. 08:32]

Þar greinir okkur á Guðsteinn.

Við fórum úr öskunni í eldinn. Og er ég nú ansi viss um að fyrri ríkisstjórn hefði aldrei farið út í þessar arfavitlausu skattahækkanir sem þessi gerði.
Einnig hefði fyrri stjórn aldrei staðið eins í vegi fyrir áframhaldandi atvinnuuppbyggingu eins og þessi gerir.

Það er eins og VG vilji henda okkur aftur inn í moldarkofana.

[Eiríkur Ingvar Ingvarsson, 1.3.2010 kl. 09:36]

Mér sýnist ég ekki þurfa að finna göng þar sem þú ert þegar komin í hring. Nú er það Samkomulag sem varð að Samningi...sem er samt rangt. Það eru bara 2 samningar og þeir eru báðir á núverandi stjórn.

Ég hef enga þörf fyrir að leiðrétta þig Haukur. Eins og ég hef sagt áður þá hefur þú frelsi til að hafa rangt fyrir þér. Og ég berst fyrir þeim rétti. Hef heldur ekki þörf á því að sanna að ég fari með rétt mál. En það sem er mikilvægast er að mínu mati er að það sem maður skrifar standist nánari skoðun.

[Sigurður Þórðarson, 1.3.2010 kl. 09:55]

Haukur, ég er sammála gagnrýni Eiríks á þig.

Ef menn fitna of vegna bjórþambs og fá vömb og skvap, þá segja vinir viðkomandi til vambsins.  Vambið er eins og margir vita samsett úr orðunum vömb og skvap = vambið.

nf vambið -þf vambið - þgf vambinu - ef vambsins.

 Þú ert samt enginn óhófsmaður á vín, hvað þá bjór, þannig að það þarf ekki að gagnrýna þig fyrir það.

[DoctorE (IP-tala skráð) 1.3.2010 kl. 10:40]

Já endilega að skella Samfylkingu inn... hún er líka algerlega sek.. bloggheimur var löngu byrjaður að tala um að hér væri allt á leið til fjandans... á meðan það var þá var Ingibjörg að sleikja endaþarminn á stjórnmálamönnum erlendis.. hún hugsaði ekki um neitt annað en að vera að leika sér með stóru strákunum.. að fara í öryggisóráðið..

Í dag ætlar Samfylkingin að selja ísland eins og útbrunna hafnarhóru...

Við verðum bara að gera byltingu með vorinu; Syngjum "Byltingin er komin að kveða burt saurinn, kveða burt fjórflokka því það getur hún" í stað þess að syngja "Lóan er komin.."

[Guðsteinn Haukur Barkarson, 1.3.2010 kl. 11:53]

Carl Jóhann - ég er meira sammála þér en þig grunar, Samfylkingin er jafnsek af þessu samkomulagi og sjallarnir, og VG vill jú helst sjá okkur aftur í moldarkofum. Þetta er allt sama tóbakið, sama hvað það heitir.

Eiki minn - hehe .. ekkert persónulegt, en ég tek gagnrýnni þinni með fögðuði, þrátt fyrir að ég skilji ekki ennþá hvað ég gerði rangt.

Siggi -  hehehe ... ég skil þig.

Dokksi - já nú erum við sammála.

[Anna Einarsdóttir, 1.3.2010 kl. 12:15]

Þar fórstu út á hálan ís Guðsteinn. 

Það má ekki gagnrýna heittrúaða sjálfstæðismenn sem þekkja ætíð hinn stóra sannleik.  Þeir ástunduðu trausta efnahagsstjórn en hrunið var og er alltaf öllum hinum að kenna. 

[Guðsteinn Haukur Barkarson, 1.3.2010 kl. 12:35]

Já, það er alveg hárrétt hjá þér Anna! Ég gerði mér ekki grein fyrir hve mikið guðlast það er að gagnrýna "FLOKKINN", ég sé samt ekki eftir því.

Því eins og þú bendir réttilega á þá var það öllum öðrum að kenna en þeim sjálfum, þrátt fyrir að hafa stjórnað efnahag landsins í næstum tvo áratugi.

[Finnur Bárðarson, 1.3.2010 kl. 16:00]

"Sem áður hefur þú frelsi til að hafa rangt við og setja ranga hluti á blogg" Það er greinilega ekki öllum gefið að höndla hinn eina stóra sannleika nema Eríki. Kannast hlustendur við orðatiltækið að "setja ranga hluti á blogg" ?

[Sigurður Þorsteinsson, 1.3.2010 kl. 16:19]

Heill og sæll Guðsteinn við höfum ríkisstjórn sem er ákveðinn í að gera ekki neitt í atvinnumálum, nema að halda eins mörgum opinberum starfsmönnum eins og mögulegt er. Þessar áherslur þýða að ungt fólk sem er nýkomið á vinnumarkaðinn getur ekki fengið vinnu hjá hinu opinbera, því ekki er bætt við störfum og einkageirinn er bara að skreppa saman. Allt þetta er gert í anda kommúnismans  ,, allir eru jafnir, en sumir eru jafnari en aðrir".

Haukur þú getur örugglega teiknað mynd af samfylkingunni, annað hvort sett rauða punktinn á nefið á flokksmönnum eða sýnt hrædda gamla konu undir rúmi. Svo getur þú teiknað VG, og á því heimili er nóg af að taka.

[Jón Steinar Ragnarsson, 1.3.2010 kl. 17:23]

Anna mín.  Ekki er ég sjálfstæðismaður og ekki hefu heldur nokkur maður látið það fara frá sér hér að "Þeir ástunduðu trausta efnahagsstjórn en hrunið var og er alltaf öllum hinum að kenna. " eins og þú segir. Þetta er bæði gremjulegt og rangt og ómálefnalegt hjá þér.

Hér er Guðsteinn að reyna að mála mynd af endanlegum sökudólgi með vægast sagt vafasömum fullyrðingum og það gagnrýna menn  hér, hvar svo sem þeir standa, enda breytir það svosem ekki nokkrum hlut, hvort bent er á einhvern sem sökudólg.

Þessi ógæfa er keðja rangra ákvarðana, misferla og ábyrgðarleysis, sem allir létu sér lynda á sínum tíma á meðan veislan stóð sem hæst. Ég og fleiri, sem gagnrýndum sukkið voru kallaðir úrtölumenn og afturhaldsseggir.  Þú manst kannski eftir öllum mínum skrifum um neysluhyggjuna, firringuna og spillinguna, sem var í gangi?

Ef þú rekur þetta nógu langt aftur, þá getur þú alveg eins skellt skuldinni á það að bankarnir skyldu stofnaðir yfirleitt. Það er enginn einn sökudólgur hér.  Þeir sem hinsvegar misnotuðu frelsið og traustið og fóru hér um ránshendi í bönkunum eru þó nærtækastir að benda á, enda er líklegt að sektin muni sannast á þá, jafnvel þótt þeir sitji enn í skilanefndum í umboði flokks þíns. 

Það sem hrjáir okkur helst er aumingjaskapur þeirra herra.  Reynu ekki að rétlæta það.

[Jón Steinar Ragnarsson, 1.3.2010 kl. 17:26]

Það ma allavega vera ljóst hér að hvítþvotturinn er á báða bóga og samviska fjórflokksins jafn svört yfir línuna. Það mun ekki sjá högg á vatni þótt þú hamist með skrúbbinn.

[Guðsteinn Haukur Barkarson, 1.3.2010 kl. 17:28]

Finnur - nákvæmlega!

Nei Sæll vertu Siggi minn! Hvað segist?  :)

Þú segir:

Heill og sæll Guðsteinn við höfum ríkisstjórn sem er ákveðinn í að gera ekki neitt í atvinnumálum, nema að halda eins mörgum opinberum starfsmönnum eins og mögulegt er. Þessar áherslur þýða að ungt fólk sem er nýkomið á vinnumarkaðinn getur ekki fengið vinnu hjá hinu opinbera, því ekki er bætt við störfum og einkageirinn er bara að skreppa saman. Allt þetta er gert í anda kommúnismans  ,, allir eru jafnir, en sumir eru jafnari en aðrir".

Sammála, ég styð hvorki sitjandi ríkisstjórn og sé ekki eftir þessari gömlu. Menn virðast ekki átta sig á því! Hinir eru sumir hverjir jafnsekir og Sjallar.

Haukur þú getur örugglega teiknað mynd af samfylkingunni, annað hvort sett rauða punktinn á nefið á flokksmönnum eða sýnt hrædda gamla konu undir rúmi. Svo getur þú teiknað VG, og á því heimili er nóg af að taka.

Hehehehehe ... ja hver veit!   Ég hef það í huga.

[Guðsteinn Haukur Barkarson, 1.3.2010 kl. 17:30]

Jón Steinar - láttu ekki svona, við erum sýnist mér sammála aldrei þessu vant, en ég klúðraði aðeins uppsetningunni. Sem ég vona að ég sé búinn að leiðrétta.

[Óskar Arnórsson, 1.3.2010 kl. 18:05]

Sjálfstæðismenn eru mafíufólk, hafa alltaf verið og verða alltaf. Enn þeir eru betri kostur enn kommúnistar sem nú eru við völd. Mafían skilur þó eftir smá mat handa skrílnum að éta.

Enn það hafa kommúnistar engan skilning á og gera aldrei.

þess vegna vil ég frekar hafa alvöruglæpona í Ríkisstjórn enn fávita eins og er núna.

Maður velur alltaf skárri kostinn eða hvað?

Það er ekkert að þessari uppsetningu hjá þér Guðsteinn.  Hún kemur af stað umræðu og það er aðalmálið....

Samfylkinginn sannar alla vega að menn eru komnir af öpum. Ég held að þar safnist allir "týndu hlekkirnir"  sem mannfræðingar eru alltaf að elta.

Gátan er leyst.